പയ്യാവൂര്‍: പശുവളര്‍ത്തല്‍ തൊഴിലുറപ്പു പദ്ധതിയുമായി ബന്ധപ്പെടുത്തണമെന്ന് ജെ.സി.ഐ ചെമ്പേരി ഹാളില്‍ നടന്ന ക്ഷീരകര്‍ഷക കോണ്‍ഗ്രസ്(ഐ.എന്‍.ടി.യു.സി.) സംഗമം ആവശ്യപ്പെട്ടു. എരുവേശ്ശി മണ്ഡലം കോണ്‍ഗ്രസ് കമ്മിറ്റി പ്രസിഡന്റ് ജോസഫ് കൊട്ടുകാപ്പള്ളി ഉദ്ഘാടനം ചെയ്തു. ക്ഷീരകര്‍ഷക കോണ്‍ഗ്രസ് ജില്ലാ സെക്രട്ടറി ടെസ്സി ഇമ്മാനുവല്‍ അധ്യക്ഷനായി.
ജില്ലാ പ്രസിഡന്റ് ജിന്‍സ് മാത്യു മുഖ്യപ്രഭാഷണം നടത്തി. അഡ്വ. ജോസഫ് ഐസക്ക് കര്‍ഷകര്‍ക്ക് തിരിച്ചറിയല്‍ കാര്‍ഡുകള്‍ വിതരണം ചെയ്തു. ജോസ് പരത്തനാല്‍, സുനിജ ബാലകൃഷ്ണന്‍, കെ.പി നിഷാദ്, ജോസഫ് മുണ്ടയ്ക്കല്‍, ഗംഗാധരന്‍ കായിക്കല്‍ സംസാരിച്ചു.