കോഴിക്കോട്: ബാഫഖി തങ്ങള്‍ മെമ്മോറിയല്‍ എജ്യുക്കേഷന്‍ ആന്‍ഡ് ചാരിറ്റബിള്‍ ട്രസ്റ്റിന്റെ ആഭിമുഖ്യത്തില്‍ ബാഫഖി തങ്ങളുടെ 44 ാം അനുസ്മരണ അവാര്‍ഡ്ദാന സംഗമം 19 ന് കെ.പി കേശവമേനോന്‍ ഹാളില്‍ നടത്താന്‍ പാണക്കാട് കൊടപ്പനക്കല്‍ ചേര്‍ന്ന യോഗം തീരുമാനിച്ചു.
 പ്രസിഡന്റ് സയ്യിദ് അബൂബക്കര്‍ ബാഫഖി തങ്ങള്‍ അധ്യക്ഷനായി. മുഖ്യരക്ഷാധികാരി സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്തു. കൂടാതെ നിര്‍ധനരായ പത്ത് പേര്‍ക്ക് ജാതി-മത ഭേദമന്യേ ചികിത്സാ സഹായവും ഖുര്‍ആന്‍ മനഃപാഠമാക്കിയ അഞ്ച് വിദ്യാര്‍ഥികള്‍ക്ക് കാഷ് അവാര്‍ഡും, പ്ലസ്ടു പരീക്ഷയില്‍ ഉന്നത വിജയം നേടിയവര്‍ക്ക് കാഷ് അവാര്‍ഡും വിതരണം ചെയ്യും. സെക്രട്ടറി ഹസ്സന്‍ ബാഫഖി തങ്ങള്‍, ആറ്റക്കോയ പള്ളിക്കണ്ടി, എം.സി മുഹമ്മദ് മാവൂര്‍, വി.പി ഇബ്രാഹീംകുട്ടി കൊയിലാണ്ടി സംസാരിച്ചു. സി.പി കുഞ്ഞമ്മദിനാണ് ഈ വര്‍ഷത്തെ അവാര്‍ഡ്.