മനാമ: ബഹ്‌റൈനില്‍ മാലിന്യപ്പെട്ടി തലയില്‍ വീണ് ശുചീകരണ തൊഴിലാളി മരിച്ചു. സല്‍മാബാദ് പ്രവിശ്യയില്‍ ശുചീകരണ പ്രവൃത്തികള്‍ നടക്കവെയാണ് അപകടം. ഏഷ്യന്‍ വംശജനായ ഇയാളുടെ പേരുവിവരങ്ങള്‍ അധികൃതര്‍ പുറത്തുവിട്ടിട്ടില്ല.
മാലിന്യം സംസ്‌കരിക്കാനായി കൊണ്ടു പോകുന്ന ട്രക്കിലേക്ക് വലിയ കണ്ടെയ്‌നര്‍ കയറ്റിവയ്ക്കുന്നതിനിടെയാണ് അപകടം. ഗുരുതരമായി പരുക്കേറ്റ തൊഴിലാളിയെ സല്‍മാനിയ മെഡിക്കല്‍ കോംപ്ലക്‌സിലെ അത്യാഹിത വിഭാഗത്തിലേക്ക് മാറ്റിയെങ്കിലും രക്ഷിക്കാനായില്ല.