കോഴിക്കോട്: സുപ്രഭാതം ചെയര്‍മാനായിരുന്ന കോട്ടുമല ബാപ്പു മുസ്‌ലിയാരെ  സുപ്രഭാതം കുടുംബം അനുസ്മരിച്ചു.
 കോഴിക്കോട് കേന്ദ്ര ഓഫിസ് ഹാളില്‍ നടന്ന അനുസ്മരണ ചടങ്ങില്‍ മാനേജിങ് എഡിറ്റര്‍ നവാസ് പൂനൂര്‍ അധ്യക്ഷനായി. പത്രത്തിന്റെ പിറവിയിലും വളര്‍ച്ചയിലും ബാപ്പുമുസ്‌ലിയാരുടെ നേതൃത്വം വിലമതിക്കാനാവാത്തതാണ്.
 പ്രതിസന്ധി ഘട്ടങ്ങളില്‍  അദ്ദേഹത്തിന്റെ നിലപാടുകളും തീരുമാനങ്ങളുമാണ് സുപ്രഭാതത്തിന് കരുത്തായതെന്നും യോഗം അനുസ്മരിച്ചു.
ഡയറക്ടര്‍ സുലൈമാന്‍ ദാരിമി ഏലംകുളം പ്രാര്‍ഥന നടത്തി. എക്‌സിക്യൂട്ടീവ് എഡിറ്റര്‍ എ. സജീവന്‍, അസോസിയേറ്റ് എഡിറ്റര്‍ പി.പി മൂസ, പി.ആര്‍.ഒ സി.പി ഇഖ്ബാല്‍, എച്ച്.ആര്‍ മാനേജര്‍ അബ്ദുല്ല ഷഫീഖലി, മാര്‍ക്കറ്റിങ് മാനേജര്‍ സി.പി അലവിക്കുട്ടി, സര്‍ക്കുലേഷന്‍ മാനേജര്‍ ഭാസ്‌കരന്‍ ചേലേമ്പ്ര, പ്രൊഡക്ഷന്‍ മാനേജര്‍ എം.കെ അന്‍വര്‍, പി.വി അബ്ദുല്ലക്കോയ,  വി.സി നിസാര്‍, സീനിയര്‍ സബ് എഡിറ്റര്‍ കെ. ജംഷാദ് സംസാരിച്ചു. ഡെപ്യൂട്ടി സി.ഇ.ഒ ഐ.എം അബ്ദുറഹ്മാന്‍ സ്വാഗതവും ചീഫ് സബ് എഡിറ്റര്‍ ഇ. പി മുഹമ്മദ് നന്ദിയും പറഞ്ഞു.