ന്യൂയോര്‍ക്ക്: 12 കാരന്‍ ചിക്കന്‍വിഭവത്തിനു വേണ്ടി സഹപാഠിക്കു നേരെ തോക്ക് ചൂണ്ടി ഭീഷണിപ്പെടുത്തി. ന്യൂയോര്‍ക്കിലെ ഹാര്‍ലമിലാണ് സംഭവം. കഴിഞ്ഞ ദിവസം ഹോട്ടിലിലെത്തിയ വിദ്യാര്‍ഥിനി ചിക്കന്‍വിഭവമായ ' ചിക്കന്‍ നഗ്ഗറ്റ്' ഓര്‍ഡര്‍ ചെയ്തു. ഇത് കണ്ട വിദ്യാര്‍ഥി ഭക്ഷണം തരാന്‍ ആവശ്യപ്പെട്ടു. എന്നാല്‍ ആവശ്യം വിദ്യാര്‍ഥിനി നിരസിച്ചു.

ഭക്ഷണവുമായി മുന്നോട്ടുപോയ വിദ്യാര്‍ഥിനിയെ പിന്തുടര്‍ന്ന ആണ്‍കുട്ടി സബ്‌വേ സ്റ്റേഷനു സമീപം വച്ച് പെണ്‍കുട്ടിക്ക് നേരെ തോക്ക് ചൂണ്ടുകയും ഭക്ഷണം വേണമെന്ന് ആവശ്യപ്പെടുകയും ചെയ്തു. തനിക്കു നേരെ ചൂണ്ടിയ തോക്ക് പെണ്‍കുട്ടി തട്ടിത്തെറിപ്പിച്ചപ്പോള്‍ ആണ്‍കുട്ടി അവിടെ നിന്നും പോയി.

സംഭവം വിദ്യാര്‍ഥിനി അടുത്ത ദിവസം സ്‌കൂളില്‍ അറിയിച്ചു. സ്‌കൂള്‍ അധികൃതര്‍ പൊലിസില്‍ അറിയിക്കുകയും കുട്ടിയെ മോഷണത്തിന്റെ പേരില്‍ കസ്റ്റഡിയിലെടുക്കുകയും ചെയ്തു.