തിരുവനന്തപുരം: കമല്‍സി എന്ന എഴുത്തുകാരന്‍ തന്റെ പുസ്തകം കത്തിച്ച് എഴുത്ത് നിര്‍ത്തുന്നുവെന്ന ഫേസ്ബുക്ക് പോസ്റ്റ് താന്‍ ഞെട്ടലോടെയാണ് വായിച്ചതെന്ന് കെ.പി.സി.സി പ്രസിഡന്റ് വി.എം സുധീരന്‍. ആവിഷ്‌കാര സ്വാതന്ത്ര്യത്തിനും ജനാധിപത്യ മൂല്യങ്ങള്‍ക്കും പേരുകേട്ട കേരളത്തില്‍ ഇടതുപക്ഷ സര്‍ക്കാരിന്റെ കാലത്ത് ഒരു എഴുത്തുകാരന്‍ സ്വയം എഴുത്ത് നിര്‍ത്താന്‍ നിര്‍ബന്ധിതനാകുന്നുവെന്നത് കേരളത്തിന് അപമാനകരമാണെന്നും സുധീരന്‍ ഫേസ്ബുക്കില്‍ പറയുന്നു.