നിലമ്പൂര്‍: മാവോയിസ്റ്റ് നേതാവ് സിനോജ് ബോംബ് നിര്‍മാണത്തിനിടെ കൊല്ലപ്പെട്ടതുമായി ബന്ധപ്പെട്ടുള്ള വീഡിയോ ദൃശ്യങ്ങള്‍ പൊലിസിനു ലഭിച്ചു. നിലമ്പൂര്‍ വനത്തിലെ വരയന്‍മലയില്‍ കഴിഞ്ഞ നവംബറില്‍ പൊലിസുമായുള്ള ഏറ്റുമുട്ടലില്‍ രണ്ടു മാവോയിസ്റ്റുകള്‍ കൊല്ലപ്പെട്ട സംഭവത്തെ തുടര്‍ന്ന് പൊലിസ് കണ്ടെടുത്ത പെന്‍ഡ്രൈവിലാണ് സിനോജിന്റെ മൃതദേഹം വനത്തിനുള്ളില്‍ സംസ്‌കരിക്കുന്നതിന്റെ ദൃശ്യങ്ങളുള്ളത്.
മാവോയിസ്റ്റ് നേതാവും പശ്ചിമഘട്ട സ്‌പെഷ്യല്‍ സോണല്‍ കമ്മിറ്റി വക്താവുമായ വലപ്പാട് സ്വദേശി സിനോജ് കേരള കര്‍ണ്ണാടക വനാതിര്‍ത്തിയില്‍ 2014 ജൂണ്‍ 16നാണ് ബോംബ് നിര്‍മാണത്തിനിടെ കൊല്ലപ്പെടുന്നത്. തുടര്‍ന്ന് മാവോയിസ്റ്റുകള്‍ മൃതദേഹം മറവു ചെയ്യുന്നതും പെന്‍ഡ്രൈവിലുണ്ട്.