തൃശൂര്‍: അരണാട്ടുകര ഡോ. ജോണ്‍ മത്തായി സെന്റര്‍ ക്യാമ്പസില്‍ സ്ഥാപിക്കുന്ന ഡോ. ജോണ്‍ മത്തായിയുടെ അര്‍ദ്ധകായപ്രതിമയുടെ അനാവരണം ഈ മാസം 17ന് ഗവര്‍ണര്‍ പി. സദാശിവം നിര്‍വ്വഹിക്കുമെന്ന് അധികൃതര്‍ പത്രസമ്മേളനത്തില്‍ അറിയിച്ചു. വൈകീട്ട് നാലിന് നടക്കുന്ന ചടങ്ങില്‍ കാലിക്കറ്റ് യൂണിവേഴ്‌സിറ്റി വൈസ് ചാന്‍സലര്‍ ഡോ.കെ മുഹമ്മദ് ബഷീര്‍ അധ്യക്ഷനാകും. ഡോ. ജോണ്‍ മത്തായി സെന്റര്‍ സ്ഥാപക ഡയറക്ടര്‍ ഡോ.എം.എ ഉമ്മന്‍ മുഖ്യപ്രഭാഷണം നിര്‍വ്വഹിക്കും. പേരാമംഗലം സ്വദേശിയായ ഗോപി ആണ് പ്രതിമ നിര്‍മ്മിച്ചത്. പത്രസമ്മേളനത്തില്‍ ഡോ.കെ.പി മാണി, ഡോ.വി.എം സേവ്യര്‍, ഡോ.ഡി ഷൈജന്‍, ഡോ. പി .സബീന ഹമീദ് പങ്കെടുത്തു.