വാടാനപ്പള്ളി: ജനവാസ കേന്ദ്രമായ വാടാനപ്പള്ളി പഞ്ചായത്തിലെ പൊക്കാഞ്ചേരിയില്‍ വിദേശ മദ്യഷാപ്പ് ആരംഭിക്കാനുള്ള നീക്കത്തില്‍ നിന്ന് അധികൃതര്‍ പിന്മാറണമെന്ന് വാടാനപ്പള്ളി ഹരിത സാന്ത്വനം സാംസ്‌ക്കാരിക കൂട്ടായ്മ ആവശ്യപ്പെട്ടു. സുപ്രിം കോടതി വിധിയുടെ അടിസ്ഥാനത്തില്‍ ദേശിയ പാത വാടാനപ്പള്ളി എട്ടാം കല്ലില്‍ പ്രവര്‍ത്തിച്ച് വന്നിരുന്ന വിദേശ മദ്യഷാപ്പാണ് പൊക്കാഞ്ചേരിയില്‍ ആരംഭിക്കാന്‍ ശ്രമിക്കുന്നത്. ഇതിനായിട്ടുള്ള കെട്ടിടത്തിന്റെ നിര്‍മാണം പൂര്‍ത്തീകരിച്ച് ഏപ്രില്‍ മാസത്തില്‍ പ്രവര്‍ത്തനം ആരംഭിക്കാനാണ് അധികൃതരുടെ നീക്കം. ജനവാസ കേന്ദ്രത്തില്‍ ഒരു കാരണവശാലും മദ്യഷാപ്പ് ആരംഭിക്കാന്‍ അനുവദിക്കില്ലെന്നും ദിക്കാരപരമായി മദ്യഷാപ്പ് തുറന്നാല്‍ വീട്ടമ്മമാരെ അണിനിരത്തി ജനകീയ സമര പരിപാടികള്‍ സംഘടിപ്പിക്കുമെന്നും ഹരിത സാന്ത്വനം മുന്നറിയിപ്പ് നല്‍കി. ഹരിത സാന്ത്വനം പ്രസിഡന്റ്് അറക്കല്‍ അന്‍സാരി അധ്യക്ഷനായി. ജനറല്‍ സെക്രട്ടറി എ.ഐ മുഹമ്മദ് സാബിര്‍, ട്രഷറര്‍ മേപ്പറമ്പില്‍ കുഞ്ഞിമോന്‍, ഭാരവാഹികളായ അക്ബര്‍ പടിഞ്ഞാറയില്‍, വി.എം സമാന്‍ സംസാരിച്ചു.