പാരിസ്: അടുത്ത മാസം നടക്കുന്ന യൂറോ കപ്പിനുള്ള സുരക്ഷയ്ക്കായി ഫ്രാന്‍സ് 90,000 പൊലിസുകാരെ നിയോഗിക്കും. നേരത്തെ മാസങ്ങള്‍ക്ക് മുന്‍പ് സ്റ്റേഡിയത്തില്‍ നടന്ന  ഭീകരാക്രമണത്തിന്റെ പശ്ചാത്തലത്തിലാണ് ഫ്രാന്‍സ് സുരക്ഷ ശക്തമാക്കിയിരിക്കുന്നത്.
കഴിഞ്ഞ ദിവസം ഫ്രഞ്ച് ഫൈനല്‍ നടന്ന ഫ്രാന്‍സിലെ ദേശീയ സ്റ്റേഡിയത്തില്‍ പുക കണ്ടെത്തിയതിനെ തുടര്‍ന്ന് ജനക്കൂട്ടം പരിഭ്രാന്തരായിരുന്നു. ജനങ്ങളുടെ സുരക്ഷയുടെ കാര്യത്തില്‍ യാതൊരു വിട്ടുവീഴ്ചയുമില്ലെന്ന് ആഭ്യന്തര മന്ത്രി ബെര്‍നാര്‍ഡ് കാസെന്യൂവ് വ്യക്തമാക്കി. ഇതില്‍ 77,000 പൊലിസ് ഉദ്യോഗസ്ഥരും 13,000 സുരക്ഷാ ജീവനക്കാരുമാണ് ഉണ്ടാവുക.