ജിദ്ദ: ഇസ്‌ലാമിക് സെന്റര്‍, എസ്.വൈ.എസ്, എസ്.കെ.ഐ.സി, ജിദ്ദ സെന്റര്‍ കമ്മിറ്റിയുടെ ആഭിമുഖ്യത്തില്‍ മദീന പാഷന്‍ വസന്തം 2017 അരങ്ങേറി. ജിദ്ദ കിലോ രണ്ടില്‍ നടന്ന ക്യാമ്പ് ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു. ഇസ്‌ലാമിക് സെന്റര്‍ ചെയര്‍മാന്‍ സഹല്‍ തങ്ങള്‍ അധ്യക്ഷത വഹിച്ചു.

ജിദ്ദ ഇസ്‌ലാമിക് സെന്ററിന്റെ ഓരോ പ്രവര്‍ത്തിയും വളരെ അധികം പ്രശംസിക്കേണ്ടതാനെന്നും പ്രവാചകന്റെ പ്രകീര്‍ത്തനങ്ങള്‍ അനുസരിച്ച് പ്രവാചകന്റെ പിന്തുടര്‍ച്ചക്കാരായി ജീവിതത്തില്‍ നാം മുന്നോട്ട് പോവണമെന്നും ഉദ്ഘാടന പ്രസംഗത്തില്‍ എം.എല്‍.എ. പറഞ്ഞു.

പ്രമേയ പ്രഭാഷണം, സുഹൃത്ത് സംഗമം, പ്രകീര്‍ത്തന സദസ്സ്, കലാവിരുന്ന് തുടങ്ങിയ പരിപാടികള്‍ക്ക് ജിദ്ദയുടെ വിവിധ ഭാഗങ്ങളില്‍ നിന്നും നിരവധി പേരാണ് പങ്കെടുത്തത്. ഉബൈദുല്ല തങ്ങള്‍ മേലാറ്റൂര്‍ അനുഗ്രഹ പ്രഭാഷണം നടത്തി. കോ ഓഡിനേറ്റര്‍ സുബൈര്‍ ഹുദവി, ആലംപാടി അബൂബക്കര്‍ ദാരിമി, ഹാഫിള് ജഹ്ഫര്‍ വാഫി, അബ്ദുല്ല ഫൈസി, അബ്ദുല്‍ കരീം ഫൈസി, സവാദ് പേരാമ്പ്ര, അബ്ദുല്ല കൊപ്പം, അബ്ദുല്‍ അസീസ് പറപ്പൂര്‍, അബ്ദുല്‍ അസീസ് വേങ്ങൂര്‍, മുസ്തഫ ഹുദവി, ശരീഫ് സാഗര്‍, അബ്ദുല്‍ റശീദ് മണിമൂളി, അബ്ദുല്ല ഫൈസി, മുസ്തഫ ബാഖവി, മുസ്തഫ ബാഖവി, മുജീബ് റഹ്മാനി, അബ്ദുല്‍ ബാരി ഹുദവി, അബ്ദുല്‍ ഹമീദ് ദാരിമി, മൊയ്ദീന്‍ കുട്ടി ഫൈസി കരിപ്പൂര്‍, മുജീബ് റഹ്മാനി,അബ്ബാസ് ഹുദവി, നൗഷാദ് അന്‍വരി, അബ്ദുല്‍ഹകീം വാഫി തുടങ്ങിയവര്‍ വിവിധസെക്ഷനുകളില്‍ സംസാരിച്ചു. വിവിധ മത്സര വിജയികള്‍ക്കുള്ള സമ്മാനങ്ങളും വിതരണം ചെയ്തു.