കണ്ണൂര്‍: തലശ്ശേരി പുന്നോളില്‍ ട്രെയിന്‍ തട്ടി മൂന്നു പേര്‍ മരിച്ചു. തലശ്ശേരി റസ്റ്റ് ഹൗസിനു സമീപം ബദരിയ്യ മന്‍സിലില്‍ മഹ്മൂദിന്റെ ഭാര്യ നസീമ (50), മുബീന മന്‍സിലില്‍ അഷ്‌റഫിന്റെ ഭാര്യ സുബൈദ (40) രണ്ടു വയസുകാരന്‍ അഹ്‌യാന്‍ എന്നിവരാണ് മരിച്ചത്. മരിച്ച മൂന്നു പേരും ബന്ധുക്കളാണ്.

നാഗര്‍ കോവില്‍-മംഗലാപുരം പരശുറാം എക്‌സ്പ്രസാണ് ഇന്ന് വൈകീട്ട് ഇവരെ ഇടിച്ചുതെറിപ്പിച്ചത്. മൂന്നുപേരും റെയില്‍ മുറിച്ചു കടക്കുമ്പോഴായിരുന്നു അപകടം. ബന്ധുവീട്ടില്‍ നിന്ന് വിവാഹ സല്‍ക്കാരം കഴിഞ്ഞ് മടങ്ങുമ്പോഴായിരുന്നു അപകടം. മാഹിക്കും തലശ്ശേരിക്കും ഇടയിലുള്ള സ്ഥലത്താണ് അപകടം നടന്നത്.