പരപ്പനങ്ങാടി: അടച്ചിട്ട വീടിന്റെ കതക് പൊളിച്ച് മോഷണം. അയ്യപ്പന്‍കാവിനടുത്തെ വലിയ പറമ്പ് റോഡോരത്തെ കക്കടവത്ത് അബ്ദുറഹ്മാന്റെ വീടിന്റെ പൂട്ട് തകര്‍ത്താണ് മോഷണം നടന്നത്.   കഴിഞ്ഞ ദിവസം വീട് പൂട്ടി ബന്ധുവീട്ടിലേക്ക് പോയി ഇന്നലെ വീട്ടില്‍ തിരിച്ചെത്തിയപ്പോയാണ് വീടിന്റെ മുന്‍വശത്തെ കതകിന്റെ പൂട്ട് തകര്‍ത്ത നിലയില്‍ കണ്ടെത്തിയത്.
പരപ്പനങ്ങാടി എ.എസ്.ഐ സുരേഷ് കുമാര്‍ സ്ഥലത്തെത്തി. അലമാരിയില്‍ സൂക്ഷിച്ചിരുന്ന 35,000 രൂപയും കാല്‍ പവന്‍ തൂക്കം സ്വര്‍ണാഭരണവും നഷ്ടപ്പെട്ടതായി വീട്ടുടമ പൊലിസില്‍ പരാതിപെട്ടു. തൊട്ടടുത്തെ വാടക ക്വാര്‍ട്ടേഴ്‌സില്‍ താമസിക്കുന്ന അന്യസംസ്ഥാന തൊഴിലാളികളെ കേന്ദ്രീകരിച്ച് അന്വേഷണമാരംഭിച്ചതായി പൊലിസ് പറഞ്ഞു.