പാലാ: ഓട്ടം വിളിച്ച യാത്രക്കാരന്‍ മറന്നുവച്ച 50000 രൂപ അടങ്ങിയ ബാഗ് തിരികെ നല്‍കി ഓട്ടോ തൊഴിലാളി മാത്ൃകയായി..പാലാ ഗവ. ആശുപത്രി ഓട്ടോ സ്റ്റാന്‍ഡിലെ ഓട്ടോ ഡ്രൈവറായ ഇടനാട് ഇലവുങ്കല്‍ രാജുവാണ് മാത്ൃകയായത്.
ചൊവ്വാഴ്ച രാത്രയിലാണ് സംഭവം .എറണാകുളം അയ്യപ്പന്‍കാവ് സ്വദേശി പി.വി. പ്രകാശിന്റെ പണമാണ് രാജുവിന് ലഭിച്ചത്. പ്രകാശ് പാലായില്‍ നിന്ന് പേണ്ടാനം വയലിലേയക്ക് രാജുവിന്റെ ഓട്ടോറിക്ഷാ ഓട്ടം വിളിക്കുയായിരുന്നു. കടനാട് ബാങ്കിനു മുന്നില്‍ ബാങ്കിന്റെ ബോര്‍ഡുപണി കഴിഞ്ഞു മടങ്ങും നേരമാണ് പ്രകാശ് രാജുവിന്റെ ഓട്ടോയില്‍ കയറിയത്. ഓട്ടത്തിന് ശേഷം വീട്ടിലെത്തിയപ്പോഴാണ് രാജു പിന്‍സീറ്റില്‍ കിടന്ന ബാഗ് കണ്ടത്.രാജു ഉടന്‍ തന്നെ യൂണിയന്‍ നേതാക്കളോടൊപ്പം ഇത് പാലാ പൊലിസ് സ്റ്റേഷനിലേല്‍പ്പിക്കുകയായിരുന്നു.
ബാഗില്‍ നിന്നു ലഭിച്ച വിലാസത്തില്‍ ബന്ധപ്പെട്ട പൊലിസ് അപ്പോള്‍ തന്നെ പ്രകാശനെ സ്റ്റേഷനിലേക്ക് വിളിച്ചു വരുത്തി.
സി ഐബാബു സെബാസ്റ്റിയന്‍, എസ്.ഐ മോഹന്‍ദാസ് എന്നിവരുടെ സാന്നിദ്ധ്യത്തില്‍ രാജു തന്നെ പണം പ്രകാശിനു കൈമാറി.