കല്‍പ്പറ്റ: ഭൂമിയില്‍ മനുഷ്യരാശിയുടെ നിലനില്‍പ്പിന് ആധാരമായ നന്മയുടെ സന്ദേശം പ്രചരിപ്പിക്കുന്നതിനു നിയുക്തരായ പ്രവാചകന്‍മാരുടെ സ്വഭാവ ഗുണങ്ങള്‍ സ്വായത്തരാക്കിയവരാണ് യഥാര്‍ഥ പണ്ഡിതരെന്നും, സമസ്ത കേരള ജംഇയ്യത്തുല്‍ ഉലമക്ക് ഒന്‍പതര പതിറ്റാണ്ട് കാലമായി നേതൃത്വം കൊടുത്ത വരക്കല്‍ മുല്ലക്കോയ തങ്ങള്‍ മുതല്‍ കോട്ടുമല ബാപ്പു മുസ്്‌ലിയാര്‍ വരെയുള്ള വിടപറഞ്ഞ മഹാന്മാരെല്ലാ ഈ ഗണത്തിലുള്ളവരായിരുന്നുവെന്നും സമസ്ത സെക്രട്ടറി കൊയ്യോട് പി. പി ഉമര്‍ മുസ്്‌ലിയാര്‍ പറഞ്ഞു.
സമസ്ത ജില്ലാ കമ്മിറ്റിയുടെ ആഭിമുഖ്യത്തില്‍ കല്‍പ്പറ്റ സമസ്ത ഓഡിറ്റോറിയത്തില്‍ സംഘടിപ്പിച്ച ശംസുല്‍ ഉലമയുടെ 21ാമത് ഉറൂസ് മുബാറകും കോട്ടുമല ബാപ്പു മുസ്്‌ലിയാര്‍ അനുസ്മരണ സമ്മേളനവും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമസ്ത ജില്ലാ പ്രസിഡന്റ് കെ.ടി ഹംസ മുസ്്‌ലിയാര്‍ അധ്യക്ഷനായി. ആനമങ്ങാട് മുഹമ്മദ് കുട്ടി ഫൈസി അനുസ്മരണ പ്രഭാഷണം നടത്തി.
വി. മൂസക്കോയ മുസ്‌ലിയാര്‍, എം. ഹസന്‍ മുസ്‌ലിയാര്‍, എം.എം ഇമ്പിച്ചിക്കോയ മുസ്‌ലിയാര്‍, പിണങ്ങോട് അബൂബക്കര്‍, പാലത്തായി മൊയ്തു ഹാജി, പി.സി ഇബ്‌റാഹീം ഹാജി, കെ.സി മമ്മുട്ടി മുസ്്‌ലിയാര്‍, ടി.സി അലി മുസ്‌ലിയാര്‍, പി.എ ആലി ഹാജി, ഇബ്‌റാഹീം ഫൈസി വാളാട്, പി. ഇബ്‌റാഹീം ദാരിമി, ഇബ്‌റാഹീം ഫൈസി പേരാല്‍, ശൗകത്തലി മൗലവി വെള്ളമുണ്ട സംബന്ധിച്ചു.
പ്രാര്‍ഥനാ സംഗമത്തിന് പാണക്കാട് ശഹീറലി ശിഹാബ് തങ്ങള്‍ നേതൃത്വം നല്‍കി. സ്വാഗത സംഘം ചെയര്‍മാന്‍ എസ.് മുഹമ്മദ് ദാരിമി സ്വാഗതവും കണ്‍വീനര്‍ ഹാരിസ് ബാഖവി നന്ദിയും പറഞ്ഞു.