ഹൈദരാബാദ്: കുട്ടികളുടെ പോണ്‍ചിത്രങ്ങള്‍ ഇന്റര്‍നെറ്റില്‍ പ്രചരിപ്പിച്ച അമേരിക്കന്‍ പൗരന്‍ ഹൈദരാബാദില്‍ അറസ്റ്റിലായി. ഹൈദരാബാദിലെ ഒരു ബഹുരാഷ്ട്ര കമ്പനിയില്‍ 2012 മുതല്‍ പ്രവര്‍ത്തിച്ചുവരുന്ന 42കാരനായ ജെയിംസ് കിര്‍ക്ക് ആണ് പൊലിസ് പിടിയിലായത്.
കുട്ടികളുടെ പോണ്‍ചിത്രങ്ങള്‍ ഡൗണ്‍ലോഡ് ചെയ്യുകയും പ്രചരിപ്പിക്കുകയും ചെയ്തുവെന്നതാണ് ഇയാള്‍ക്കെതിരേയുള്ള കുറ്റം. ഇതിനായി ഇയാള്‍ കുട്ടികളെ കടത്തിയിട്ടുണ്ടോ എന്നും പൊലിസ് അന്വേഷിക്കുന്നുണ്ട്. ഇയാളുടെ ലാപ്‌ടോപ്പില്‍നിന്ന് ആയിരക്കണക്കിനു കുട്ടികളുടെ പോണ്‍ വീഡിയോചിത്രങ്ങളും പടങ്ങളും കണ്ടെടുത്തിട്ടുണ്ട്. അമേരിക്കയിലെ ന്യൂജഴ്‌സി സ്വദേശിയാണ് കിര്‍ക്ക്. കുറ്റം തെളിഞ്ഞാല്‍ അഞ്ചുവര്‍ഷം തടവും 10 ലക്ഷം രൂപ പിഴയും ഇയാള്‍ക്കെതിരേ ചുമത്തും.