ന്യൂഡല്‍ഹി: നോട്ട് നിരോധനംകൊണ്ട് കള്ളനോട്ട് പിടികൂടാനായിട്ടില്ലെന്ന് കേന്ദ്രധനകാര്യമന്ത്രാലയം. നവംബര്‍ എട്ടിനും ഡിസംബര്‍ 30നും ഇടയില്‍ രാജ്യത്ത് നിന്ന് കള്ളനോട്ടുകള്‍ പിടികൂടാനായിട്ടില്ലെന്നു പാര്‍ലമെന്റ് പബ്ലിക് അക്കൗണ്ട്‌സ് കമ്മിറ്റി (പി.എ.സി) മുമ്പാകെയാണ് ധനമന്ത്രാലയം വ്യക്തമാക്കിയത്. അതേസമയം 474.37 കോടി രൂപയുടെ അസാധുവാക്കിയ നോട്ടുകള്‍ നവംബര്‍ ഒമ്പതിനും ജനുവരി നാലിനും ഇടയില്‍ ആദായ നികുതി വകുപ്പ് പിടിച്ചെടുത്തതായി മന്ത്രാലയ അധികൃതര്‍ പി.എ.സിയെ അറിയിച്ചു.