HOME
DETAILS

ഇംഗ്ലണ്ടിന് ആശ്വാസം

  
backup
January 23, 2017 | 2:47 AM

%e0%b4%87%e0%b4%82%e0%b4%97%e0%b5%8d%e0%b4%b2%e0%b4%a3%e0%b5%8d%e0%b4%9f%e0%b4%bf%e0%b4%a8%e0%b5%8d-%e0%b4%86%e0%b4%b6%e0%b5%8d%e0%b4%b5%e0%b4%be%e0%b4%b8%e0%b4%82

കൊല്‍ക്കത്ത: ഒടുവില്‍ ഇംഗ്ലണ്ട് വിജയം കണ്ടു. ഇത്തവണത്തെ ഇന്ത്യന്‍ പര്യടനത്തിലെ ആദ്യ വിജയമാണ് അവര്‍ ഈഡന്‍ ഗാര്‍ഡനില്‍ സ്വന്തമാക്കിയത്. ജയത്തോടൊപ്പം വെള്ളപൂശലില്‍ നിന്നു രക്ഷപ്പെടാനും സാധിച്ചത് അവര്‍ക്ക് ആശ്വാസം നല്‍കുന്നു. മൂന്നു മത്സരങ്ങളടങ്ങിയ ഏകദിന പരമ്പരയിലെ മൂന്നാം പോരാട്ടത്തില്‍ ഇംഗ്ലണ്ട് അഞ്ചു റണ്‍സിനാണ് വിജയിച്ചത്. അവസാനം വരെ പൊരുതിയ ഇന്ത്യക്ക് വിജയം കൈപ്പിടിയിലാക്കാന്‍ കഴിയാതെ പോയി. ഇന്ത്യയുടെ ടോപ് സ്‌കോറര്‍ കേദാര്‍ ജാദവിന്റെ പോരാട്ടം ഇക്കുറി ഫലം കണ്ടില്ല. ഏകദിന പരമ്പര ഇന്ത്യ 2-1നു സ്വന്തമാക്കി. നേരത്തെ ടെസ്റ്റ് പരമ്പര ഇന്ത്യ 4-0ത്തിനാണ് നേടിയത്.
ആദ്യം ബാറ്റു ചെയ്ത ഇംഗ്ലണ്ട് നിശ്ചിത 50 ഓവറില്‍ എട്ടു വിക്കറ്റ് നഷ്ടത്തില്‍ 321 റണ്‍സെടുത്തപ്പോള്‍ ഇന്ത്യന്‍ പോരാട്ടം 50 ഓവറില്‍ ഒന്‍പതു വിക്കറ്റിനു 316ല്‍ അസാനിച്ചു.
അവസാന ഓവറില്‍ ഇന്ത്യക്ക് വിജയം 16 റണ്‍സ് അകലെയായിരുന്നു. കേദാര്‍ ജാദവ് ആദ്യ രണ്ടു പന്തുകള്‍ സിക്‌സറിനും ബൗണ്ടറിക്കും പായിച്ചങ്കിലും അഞ്ചാം പന്തില്‍ കൂറ്റനടിക്കു ശ്രമിച്ചു പുറത്തായത് ഇംഗ്ലീഷ് വിജയത്തില്‍ നിര്‍ണായകമായി. 75 പന്തില്‍ 90 റണ്‍സായിരുന്നു ജാദവിന്റെ സമ്പാദ്യം.
വിജയത്തിലേക്ക് ബാറ്റേന്തിയ ഇന്ത്യയുടെ ഓപണിങ് ഇന്നലെയും ക്ലിക്കായില്ല. ധവാനു പകരം ഇറങ്ങിയ രഹാനെയും രാഹുലും സ്‌കോര്‍ 37ല്‍ നില്‍ക്കേ പവലിയനില്‍ തിരിച്ചെത്തി. പിന്നീട് വിരാട് കോഹ്‌ലിയും യുവരാജും ചേര്‍ന്ന് ഇന്നിങ്‌സ് നേരെ നിര്‍ത്താനുള്ള ശ്രമം നടത്തി. സ്‌കോര്‍ 100 കടന്നതോടെ ഇന്ത്യക്ക് വിക്കറ്റുകള്‍ നഷ്ടമായി തുടങ്ങി. കോഹ്‌ലി (55), യുവരാജ് (45), ധോണി (25) എന്നിവര്‍ക്ക് മികച്ച തുടക്കം ലഭിച്ചെങ്കിലും മുതലാക്കാന്‍ കഴിഞ്ഞില്ല. പിന്നീട് ഒത്തുചേര്‍ന്ന ഹാര്‍ദിക് പാണ്ഡ്യയും കേദാര്‍ ജാദവും ഇന്ത്യന്‍ പ്രതീക്ഷ ജ്വലിപ്പിച്ചു. ആറാം വിക്കറ്റില്‍ ഇരുവരും 103 റണ്‍സ് കൂട്ടിച്ചേര്‍ത്തു. 43 പന്തില്‍ 53 റണ്‍സ് നേടിയ ഹാര്‍ദിക് പാണ്ഡ്യ പുറത്തായതോടെ ജാദവിനെ പിന്തുണയ്ക്കാന്‍ ആളില്ലാതായി. എന്നിട്ടും ഇന്ത്യയെ വിജയത്തിന്റെ വക്കിലെത്തിക്കാന്‍ ജാദവിനായി. ഇംഗ്ലണ്ടിനായി ബെന്‍ സ്റ്റോക്‌സ് മൂന്നും ക്രിസ് വോക്‌സ്, ജെയ്ക് ബാള്‍ എന്നിവര്‍ രണ്ടു വിക്കറ്റും നേടി.
ടോസ് നേടി ഇന്ത്യ ഇംഗ്ലണ്ടിനെ ബാറ്റിങിനയക്കുകയായിരുന്നു. കോഹ്‌ലിയുടെ പ്രതീക്ഷകള്‍ തെറ്റിച്ച ജേസണ്‍ റോയിയും ഹെയ്ല്‍സിനു പകരമെത്തിയ സാം ബില്ലിങ്‌സും(35) ചേര്‍ന്ന് 98 റണ്‍സ് ഓപണിങില്‍ കൂട്ടിച്ചേര്‍ത്തു. 12 റണ്‍സിന്റെ ഇടവേളയ്ക്കിടെ ഈ കൂട്ടുകെട്ടു പൊളിച്ച് ജഡേജ ഇന്ത്യയെ മത്സരത്തിലേക്കു തിരികെയെത്തിച്ചു. തുടര്‍ന്നെത്തിയ ബെയര്‍‌സ്റ്റോവും നായകന്‍ മോര്‍ഗനും ചേര്‍ന്ന് മൂന്നാം വിക്കറ്റില്‍ 84 റണ്‍സ് അടിച്ചുകൂട്ടി. മോര്‍ഗന്‍ 43 റണ്‍സ് നേടി. ജേസന്‍ റോയ്(65), ജോണി ബെയര്‍‌സ്റ്റോ(56), ബെന്‍ സ്റ്റോക്‌സ്(57) എന്നിവരുടെ അര്‍ധ സെഞ്ച്വറികളുടെ മികവിലാണ് ഇംഗ്ലണ്ട് 321 റണ്‍സ് അടിച്ചത്.
അവസാന ഓവറുകളില്‍ ബെന്‍ സ്റ്റോക്‌സും ക്രിസ് വോക്‌സും നടത്തിയ കൂറ്റനടികള്‍ ഇംഗ്ലീഷ് സ്‌കോര്‍ 300 കടത്തി. സ്റ്റോക്‌സ് 39 പന്തില്‍ നിന്ന് 57 റണ്‍സ് അടിച്ചപ്പോള്‍ വോക്‌സ് 19 പന്തില്‍ 34 റണ്‍സ് നേടി. ഇന്ത്യക്കായി ഹര്‍ദിക് പാണ്ഡ്യ മൂന്നു വിക്കറ്റ് നേടി. ജഡേജ രണ്ടു വിക്കറ്റെടുത്തു. ബെന്‍ സ്റ്റോക്‌സ് കളിയിലെ താരവും കേദാര്‍ ജാദവ് പരമ്പരയിലേയും താരമായി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."




No Image

സഹപ്രവർത്തകനെ പരസ്യമായി അപമാനിച്ചു: പ്രതിയോട് 30,000 ദിർഹം നഷ്ടപരിഹാരം നൽകാൻ ഉത്തരവിട്ട് അബൂദബി കോടതി

uae
  •  16 days ago
No Image

കോഴിക്കോട് മലയോര മേഖലയിൽ കനത്ത മഴ: മിന്നലേറ്റു പൂച്ച ചത്തു; വീടുകൾക്ക് വ്യാപക നാശം

Kerala
  •  16 days ago
No Image

'സ്ഥാനാർഥി നിർണയത്തിൽ എല്ലാവരുടെയും താൽപര്യം സംരക്ഷിക്കാനാവില്ല'; കൊച്ചി ഡെപ്യൂട്ടി മേയറുടെ രാജിയിൽ വിശദീകരണവുമായി സിപിഐ

Kerala
  •  16 days ago
No Image

അതിവേഗത്തിൽ പറന്നവർക്ക് പൂട്ട് വീണു: 100 കി.മീ/മണിക്കൂറിൽ ഇ-ബൈക്ക് ഓടിച്ച കൗമാരക്കാരെ ദുബൈ പൊലിസ് പിടികൂടി; 101 വാഹനങ്ങൾ പിടിച്ചെടുത്തു

uae
  •  16 days ago
No Image

പാർട്ടിയിൽ മെമ്പർഷിപ്പ് പോലുമില്ലാത്ത വ്യക്തികളാണ് സ്ഥാനാർഥികളായി മത്സരിക്കുന്നത്: കൊച്ചി ഡെപ്യൂട്ടി മേയർ സിപിഐ വിടുന്നു

Kerala
  •  16 days ago
No Image

ഡിസംബറിൽ ദുബൈ വിമാനത്താവളത്തിൽ തിരക്കേറും; യാത്രക്കാർക്ക് നിർദേശങ്ങളുമായി എമിറേറ്റ്‌സ് എയർലൈൻസ്

uae
  •  16 days ago
No Image

എസ്.ഐ.ആറില്‍ ഇടപെടില്ല, നീട്ടിവെക്കാന്‍ സുപ്രിംകോടതിയെ സമീപിക്കാം; സംസ്ഥാന സര്‍ക്കാരിനോട് ഹൈക്കോടതി

Kerala
  •  16 days ago
No Image

ബിഹാറില്‍ ജയിച്ചത് എന്‍.ഡി.എ അല്ല, തെരഞ്ഞടുപ്പ് കമ്മിഷന്‍: രമേശ് ചെന്നിത്തല

Kerala
  •  16 days ago
No Image

വരും മണിക്കൂറുകളില്‍ ഇടിമിന്നലോട് കൂടിയ അതിശക്ത മഴയ്ക്ക് സാധ്യത; ജാഗ്രതാ നിര്‍ദേശം

Kerala
  •  16 days ago
No Image

ഹരിയാനയില്‍ ഹിന്ദുത്വ ആള്‍ക്കൂട്ടം ക്രിസ്ത്യാനികളെ തടഞ്ഞുവച്ച് ബൈബിള്‍ കത്തിക്കാന്‍ നിര്‍ബന്ധിപ്പിച്ചു, ദൃശ്യവും പ്രരിപ്പിച്ചു

National
  •  16 days ago