ബംഗളൂരു: ഇന്ത്യന്‍ ഫാസ്റ്റ് ബോളര്‍ ആശിഷ് നെഹ്‌റയും മുന്‍ ഇന്ത്യന്‍ കോച്ച് ഗാരി കിര്‍സ്റ്റനും റോയല്‍ ചലഞ്ചേഴ്‌സ് ബാഗ്ലൂരിന്റെ പരിശീലകരായി ചുമതലയേറ്റു. മുഖ്യ ഉപദേശകനും ബാറ്റിങ് പരിശീലകനുമായിട്ടാണ് ഗാരി കിര്‍സറ്റനെ ബാംഗ്ലൂര്‍ ടീമിലെത്തിച്ചത്.
ബോളിങ് പരിശീലകനായിട്ടാണ് ആശിഷ് നെഹ്‌റയെത്തുന്നത്. ഇവരുടെ വരവ് ഐ.പി.ല്‍ സീസണ്‍-11ല്‍ ബാംഗ്ലൂര്‍ റോയല്‍ ചലഞ്ചേഴ്‌സിനു മുതല്‍കൂട്ടാവുമെന്ന് ആര്‍.സി.ബി ഹെഡ് കോച്ച് ഡാനിയല്‍ വെട്ടോറി പറഞ്ഞു.
ഗാരി കിര്‍സ്റ്റന്റെ കീഴിലായിരുന്നു 2011ല്‍ ഇന്ത്യ ലോകകപ്പ് കീരീടം നേടിയത്. ഡെയര്‍ ഡെവിള്‍സിന്റെ പരിശീലകനായിരുന്ന ഗാരി കിര്‍സ്റ്റന്‍ നിലവില്‍ ബിഗ്ബാഷ് ലീഗില്‍ ഹോബര്‍ട്ട് ഹറികെയിന്‍സിന്റെ പരിശീലകനാണ്. നെഹ്‌റ ഐ.പി.എല്ലില്‍ ചെന്നൈ സൂപ്പര്‍ കിങ്‌സ്, ഡെല്‍ഹി ഡെയര്‍ ഡെവിള്‍സ്, മുംബൈ ഇന്ത്യന്‍സ്, സണ്‍റൈസസ് ഹൈദരാബാദ് എന്നീ ടീമുകള്‍ക്ക് വേണ്ടി കളിച്ചയാളാണ്.