പള്ളിക്കല്‍: പള്ളിക്കത്തെരു വയലില്‍ കൊയ്തിട്ട നെല്ലുകള്‍ കത്തിനശിച്ചു. കുറുന്തല ചെമ്പായി രായിന്‍, ചെന്വായി മൊയ്തീന്‍, ചേലേമ്പ്ര സ്വദേശി രാഘവന്‍ നായര്‍, രാമനാട്ടുകരസ്വദേശി എന്നിവരുടേതുള്‍പ്പെടെ ഒരേക്കറിലധികം സ്ഥലത്തെ വയലില്‍ കൊയ്തിട്ടതും കറ്റ കെട്ടിവച്ചതുമായ നെല്ലാണ് കത്തി നശിച്ചത്. ഇന്നലെ ഉച്ചയോടെയാണ് സംഭവം. ഓടിക്കൂടിയ നാട്ടുകാര്‍ തീയണച്ചതിനാല്‍ സമീപപ്രദേശത്തെ ഏക്കര്‍കണക്കിന് വിളഞ്ഞുനില്‍ക്കുന്ന നെല്ലിലേക്കും വയലിനോട് ചേര്‍ന്നുനില്‍ക്കുന്ന വീടുകളിലേക്കും തീ പടരാതെ ദുരന്തം ഒഴിവായി.