ന്യൂഡല്‍ഹി: നേതാജി സുഭാഷ് ചന്ദ്രബോസ് ഇന്ത്യക്ക് ജയ് ഹിന്ദ് എന്ന മുദ്രാവാക്യം സംഭാവന ചെയ്തപ്പോള്‍ പ്രധാനമന്ത്രി നരേന്ദ്ര മോദി നല്‍കിയത് ജിയോ ഹിന്ദ് ആണെന്നു സിപിഎം ജനറല്‍ സെക്രട്ടറി സീതാറാം യെച്ചൂരി.

നേതാജിയുടെ 120-മത് ജന്‍മദിനാചരണ ചടങ്ങില്‍ സംസാരിക്കുകയായിരുന്നു യെച്ചൂരി.

ഇന്ത്യക്കാരുടെ ഇടയിലെ രാജകുമാരനായി നേതാജി അന്താരാഷ്ട്രതലത്തില്‍ തിളങ്ങിനിന്നു. ഇന്ത്യന്‍ ദേശീയതയില്‍ അദ്ദേഹം വിശ്വസിച്ചു. അതല്ലാതെ മതത്തിന്റെ പേരിലുള്ള ഇടുങ്ങിയ ദേശീയചിന്താഗതിയിലല്ലെന്നും യെച്ചൂരി പറഞ്ഞു.

മോദി സര്‍ക്കാര്‍ ജയ് ഹിന്ദിനെ ജിയോ ഹിന്ദാക്കി മാറ്റി. എന്നാല്‍ അതൊരിക്കലും ജയ് ഹിന്ദിനു പകരമാകില്ലെന്നും യെച്ചൂരി പറഞ്ഞു.