കൊയിലാണ്ടി: സി.പി.എം കോഴിക്കോട് ജില്ലാ സമ്മേളനത്തിന്റെ ഭാഗമായുള്ള പൊതുസമ്മേളനം ഇന്നു നടക്കുന്നതിനാല്‍ കൊയിലാണ്ടിയില്‍ ഇന്നു ഗതാഗത നിയന്ത്രണം. കണ്ണൂര്‍, തലശ്ശേരി ഭാഗത്ത് നിന്നു കോഴിക്കോട് ഭാഗത്തേക്കു പോകുന്ന ബസുകള്‍ ഉള്‍പ്പെടുന്ന വാഹനങ്ങള്‍ പയ്യോളി, മേപ്പയ്യൂര്‍, പേരാമ്പ്ര, ഉളളിയേരി, അത്തോളി വഴിയും കണ്ണൂര്‍ ഭാഗത്തു നിന്നു കോഴിക്കോട് ഭാഗത്തേക്കു പോകുന്ന ട്രക്ക്, ലോറി എന്നിവ കൈനാട്ടി ഭാഗത്ത് നിന്നു നാദാപുരം, കുറ്റ്യാടി, പേരാമ്പ്ര, ഉള്ളിയേരി, അത്തോളി വഴിയും പോകണം.
വടകര ഭാഗത്തു നിന്നു കൊയിലാണ്ടി വരെയുള്ള ബസുകള്‍ ആനക്കുളത്ത് ആളെ ഇറക്കി തിരിച്ചുപോകണം. മേപ്പയൂര്‍ ഭാഗത്ത് നിന്നുവരുന്ന വാഹനങ്ങള്‍ കൊല്ലത്ത് ആളെ ഇറക്കി പോകണം. മുച്ചുകുന്ന് ഭാഗത്ത് നിന്നു വരുന്ന വാഹനങ്ങള്‍ ആനക്കുളത്ത് ആളെ ഇറക്കിയാണു പോകേണ്ടത്. കോഴിക്കോട് നിന്നു കണ്ണൂര്‍ ഭാഗത്തേക്കുള്ള ബസുകള്‍ ഉള്‍പ്പടെയുള്ള വാഹനങ്ങള്‍ പാവങ്ങാട്, അത്തോളി, ഉള്ളിയേരി, പേരാമ്പ്ര, മേപ്പയൂര്‍ വഴി പോകണം. കോഴിക്കോട് ഭാഗത്ത് നിന്നു കണ്ണൂര്‍ ഭാഗത്തേക്കുള്ള ട്രക്ക്, ലോറി എന്നിവ പാവങ്ങാട്, അത്തോളി, ഉള്ളിയേരി, പേരാമ്പ്ര, കുറ്റ്യാടി വഴിയും കോഴിക്കോട് നിന്നു കൊയിലാണ്ടി വരെയുള്ള ബസുകള്‍ ചെങ്ങോട്ടുകാവ് പാലത്തിനു തെക്ക് വശം വരെ വന്ന് ആളെ ഇറക്കി തിരിച്ച് പോകണമെന്നും പൊലിസ് അറിയിച്ചു.