ചേളാരി: 'നന്‍മകൊണ്ട് നാടൊരുക്കാം വിദ്യകൊണ്ട് കൂടുതീര്‍ക്കാം' എന്ന പ്രമേയത്തില്‍ സംഘടിപ്പിക്കുന്ന ഒരു വര്‍ഷക്കാലം നീണ്ടുനില്‍ക്കുന്ന സില്‍വര്‍ ജൂബിലി പദ്ധതികള്‍ വിശദീകരിക്കുന്നതിനും കര്‍മരേഖ അവതരിപ്പിക്കുന്നതിനും വേണ്ടി സമസ്ത കേരള സുന്നി ബാലവേദി സംസ്ഥാന കമ്മിറ്റിയുടെ ജില്ലാ ജൂബിലി കണ്‍വന്‍ഷനുകള്‍ 13ന് ആരംഭിക്കും.
വിവിധ ജില്ലകളില്‍ നടക്കുന്ന കണ്‍വന്‍ഷനുകള്‍ക്ക് സംസ്ഥാന ഭാരവാഹികള്‍ നേതൃത്വം നല്‍കും.
റെയ്ഞ്ച് ചെയര്‍മാന്‍, കണ്‍വീനര്‍, പ്രസിഡന്റ്, ജന. സെക്രട്ടറി, ട്രഷറര്‍, ജില്ലാ കൗണ്‍സിലര്‍മാര്‍ തുടങ്ങിയവര്‍ സംബന്ധിക്കും.
ചേളാരി സമസ്താലയത്തില്‍ നടന്ന സംസ്ഥാന പ്രവര്‍ത്തക സമിതി യോഗത്തില്‍ സംസ്ഥാന വൈസ് പ്രസിഡന്റ് യാസര്‍ അറഫാത്ത് ചെര്‍ക്കള അധ്യക്ഷനായി.
ചെയര്‍മാന്‍ അബ്ദുല്‍ ഖാദര്‍ ഖാസിമി ഉദ്ഘാടനം ചെയ്തു.
എസ്.കെ.ജെ.എം.സി.സി മാനേജര്‍ എം.എ ചേളാരി മുഖ്യപ്രഭാഷണം നടത്തി.
സയ്യിദ് സ്വദഖത്തുല്ല തങ്ങള്‍ അരിമ്പ്ര, മുബശ്ശിര്‍ ചുങ്കത്ത്, അസ്‌ലഹ് മുതുവല്ലൂര്‍, അന്‍ശാദ് കാസര്‍കോട്, മുനാഫര്‍ ഒറ്റപ്പാലം, മുഹ്‌സിന്‍ കോഴിക്കോട്, മുബശ്ശിര്‍ വയനാട്, ജന. സെക്രട്ടറി അഫ്‌സല്‍ രാമന്തളി, ട്രഷറര്‍ ഫുആദ് വെള്ളിമാട്കുന്ന് സംസാരിച്ചു.