വള്ളിക്കുന്ന്: ഗ്രാമപഞ്ചായത്തില്‍ വിവിധ പദ്ധതികളുടെ നിര്‍മാണം പൂര്‍ത്തിയായിട്ട് മാസങ്ങളായെങ്കിലും ഇത് വരെയും ഒന്നിന്റെയും ഉദ്ഘാടനം നടത്താന്‍ അധികൃതര്‍ക്കാവുന്നില്ല .
നിരന്തരമായുള്ള നാട്ടുകാരുടെ ചോദ്യത്തിന് മന്ത്രിയുടെ തിയതി കിട്ടിയിട്ടില്ല എന്നാണ് ജനപ്രതിനിധികളുടെ മറുപടി.
വള്ളിക്കുന്ന് മണ്ഡലം മുന്‍ എം.എല്‍.എ കെ.എന്‍.എ ഖാദറിന്റെ ആസ്തി വികസന ഫണ്ടില്‍ നിന്നും നാല്‍പ്പത്തിയെട്ട് ലക്ഷം രൂപ ചിലവഴിച്ച് നിര്‍മിച്ച കടലുണ്ടിക്കടവ് ബോട്ട് ജെട്ടിയും ജി.എഫ്.എല്‍ .പി സ്‌കൂളിന് ലക്ഷങ്ങള്‍ ചിലവഴിച്ച് നിര്‍മിച്ച കെട്ടിടവും ആനങ്ങാടി ബീച്ചില്‍ പുതുതായി നിര്‍മിച്ച അങ്കണവാടി കെട്ടിടവുമാണ് ഉദ്ഘാടനം കാത്ത് കിടക്കുന്നത്. മാസങ്ങള്‍ക്ക് മുന്‍പ് വള്ളിക്കുന്ന് റെയില്‍വെ ഓവര്‍ ബ്രിഡ്ജ് ഉദ്ഘാടനം ചെയ്യാതെ ജനങ്ങള്‍ക്ക് തുറന്ന് കൊടുത്തിരുന്നു.