ടോകിയോ: അമേരിക്കന്‍ പ്രസിഡന്റ് ബരാക്ക് ഒബാമ ഹിരോഷിമയിലെത്തി. രണ്ടാം ലോകമഹായുദ്ധത്തില്‍ അമേരിക്ക ആണവബോംബ് വര്‍ഷിച്ചതിനു ശേഷം യുദ്ധസ്മാരകത്തിലെത്തുന്ന ആദ്യ അമേരിക്കന്‍ പ്രസിഡന്റാണ് ഒബാമ. ഹിരോഷിമയുടെ ഓര്‍മകള്‍ മായില്ലെന്ന് ഒബാമ പറഞ്ഞു.

എന്നാല്‍ 1945 ഓഗസ്റ്റ് ആറിലെ ലോകത്തെ ആദ്യ ആറ്റംബോംബ് ആക്രമണത്തില്‍ ക്ഷമാപണം നടത്തയില്ലെന്നത് ശ്രദ്ധേയമായി.

ആറ്റംബോംബ് ആക്രമണത്തിന്റെ ഇരകളുമായി നടത്തിയ സംവാദത്തില്‍ ആണവായുധങ്ങളില്ലാത്ത ലോകത്തിന്റെ ആവശ്യകതയെപറ്റിയും ഒബാമ സംസാരിച്ചു.

ജി7 ഉച്ചകോടിക്കായി ജപ്പാന്‍ തലസ്ഥാനമായ ടോക്യോവിലെത്തിയ ഒബാമ ഇന്ന് സമ്മേളനം സമാപിച്ചതിനുശേഷമാണ് ഹിരോഷിമയിലെ പീസ് മെമ്മോറിയല്‍ പാര്‍ക്ക് സന്ദര്‍ശിച്ചത്.

ഹിരോഷിമയില്‍ അമേരിക്ക നടത്തിയ ആറ്റംബോംബാക്രമണത്തില്‍ 140,000 ആളുകള്‍ മരിച്ചു.