തിരുവനന്തപുരം: അക്രമരാഷ്ട്രീയവും അഴിമതിയും ഒഴിവാക്കിയും വികസന കാര്യത്തില്‍ കേന്ദ്രസംസ്ഥാന സഹകരണം ഉറപ്പുവരുത്തിയാലും മാത്രമേ സദ്ഭരണം യാഥാര്‍ഥ്യമാക്കാനാവൂവെന്ന് കേന്ദ്രമന്ത്രി അനന്ത് കുമാര്‍. സഹകരണാത്മകമായ ഫെഡറല്‍ സംവിധാനം വികസനത്തിനും തൊഴിലവസരങ്ങള്‍ സൃഷ്ടിക്കുന്നതിനും സാമ്പത്തികാഭിവൃദ്ധിക്കും സാമൂഹ്യസുരക്ഷക്കും ജീവിത നിലവാരമുയര്‍ത്തലിനും അനിവാര്യമാണ്. സാധാരണക്കാര്‍, തൊഴിലാളികള്‍, കര്‍ഷകര്‍ എന്നിവര്‍ക്ക് പരിഗണന നല്‍കുന്ന സര്‍ക്കാരാണ് കേന്ദ്രത്തിലുള്ളത്. രണ്ട് വര്‍ഷത്തെ ഭരണകാലം ഇക്കാര്യത്തില്‍ തൃപ്തികരമായിരുന്നുവെന്നും മന്ത്രി കൂട്ടിച്ചേര്‍ത്തു.