എടവണ്ണപ്പാറ: സ്‌കൂളിനെ ചമയിച്ചൊരുക്കാന്‍ ബ്രഷും പെയിന്റും കൈയിലേന്തി സുമലത ടീച്ചര്‍ വരച്ചുതുടങ്ങി. സര്‍വ പിന്തുണയും പ്രോത്സാഹനവുമായി സ്‌കൂള്‍ പി.ടി.എയും. എടവണ്ണപ്പാറ ചാലിയപ്രം ഗവ. ഹയര്‍ സെക്കന്‍ഡറി സ്‌കൂളുകളുടെ ചുമരുകളാണ് സ്‌കൂളിലെ അധ്യാപികയായ സുമലത ടീച്ചര്‍ ചിത്രങ്ങള്‍ കൊണ്ട് സുന്ദരമാക്കാന്‍ ഒരുങ്ങുന്നത്.
തന്റെ കഴിവുകള്‍ പ്രയോചനപ്പെടുത്തി സ്‌കൂളിന്റെ മുഖം ഭംഗിയാക്കുകയാണ് ലക്ഷ്യം. സ്‌കൂളിലെ ചുമരുകളും തൂണുകളും ശാസ്ത്രഗണിത പരിസ്ഥിതി ചിത്രങ്ങളാണ് ടീച്ചര്‍ വരക്കാനൊരുങ്ങുന്നത്. കുട്ടികള്‍ക്ക് താല്‍പര്യമുള്ള കഥാചിത്രങ്ങളും വരക്കുന്നുണ്ട്. അരീക്കോട് വെള്ളെരി സ്വദേശിനിയാണ് കലാകാരി കൂടിയായ സുമലത ടീച്ചര്‍.