അസ്താന: വനിതാ ലോക ബോക്‌സിങ് ചാംപ്യന്‍ഷിപ്പില്‍ ഇന്ത്യയുടെ സോണി ലാത്തറിന് വെള്ളി. 57 കിലോ വിഭാഗത്തിലാണ് സോണിയുടെ നേട്ടം. ഫൈനലില്‍ ഇറ്റലിയുടെ അലെസ്സിയ മെസിയാനോയോട് ഇഞ്ചോടിഞ്ച് പൊരുതി തോല്‍ക്കുകയായിരുന്നു സോണിയ.
സ്‌കോര്‍ 1-2. ടൂര്‍ണമെന്റില്‍ ഫൈനലിലെത്തിയ ഏക താരം കൂടിയാണ് സോണിയ. മത്സരത്തില്‍ മികച്ച തുടക്കമാണ് സോണിയക്ക് ലഭിച്ചത്. താരത്തിന്റെ മികച്ച പഞ്ചുകള്‍ ഇറ്റാലിയന്‍ താരത്തിന് വെല്ലുവിളിയുയര്‍ത്തിയിരുന്നു.

എന്നാല്‍ സോണിയയുടെ പോരായ്മകള്‍ മുതലെടുത്ത് മത്സരത്തിലേക്ക് തിരിച്ചെത്തിയ അലെസ്സിയ മത്സരം സ്വന്തമാക്കുകയായിരുന്നു.