പുന്നയൂര്‍: ആരോഗ്യ കേന്ദ്രത്തിലെ ജീവനക്കാരുടെ ഒഴിവു നികത്തണമെന്ന് പഞ്ചായത്ത് ഭരണസമിതി ആവശ്യപ്പെട്ടു.
തീരദേശ മേഖലയിലെ പാവപ്പെട്ട ജനവിഭാഗത്തിന്റെ ആശ്രയമായ എടക്കഴിയൂര്‍ പ്രഥമികാരോഗ്യ കേന്ദ്രത്തില്‍ നിലവില്‍ ഒഴിവുള്ള പബ്ലിക് ഹെല്‍ത്ത് നഴ്‌സ്, ജൂനിയര്‍ ഹെല്‍ത്ത് ഇന്‍സ്‌പെക്ടര്‍, ജൂനിയര്‍ പബ്ലിക് ഹെല്‍ത്ത് ഇന്‍സ്‌പെക്ടര്‍ എന്നീ തസ്തികകളില്‍ ജീവനക്കാരെ നിയമിക്കാന്‍ ആവശ്യപ്പെട്ട് വാര്‍ഡ് പ്രതിനിധി സുമ വിജയനാണ് പ്രമേയം അവതരിപ്പിച്ചത്. പുതുതായി സ്റ്റാഫ് നഴ്‌സ് തസ്തിക സൃഷ്ടിക്കാനും ഇപ്പോള്‍ എന്‍.എച്ച്.എം സ്‌കീമില്‍ പ്രവര്‍ത്തിക്കുന്ന സ്റ്റാഫ് നഴ്‌സിന്റെ പ്രവൃത്തി ദിനങ്ങള്‍ ആഴ്ചയില്‍ ഏഴു ദിവസമാക്കി ഉയര്‍ത്താനുള്ള അടിയന്തര നടപടികള്‍ സ്വീകരിക്കണമെന്നും സി.പി.ഐ അംഗമായ സുമ ആവശ്യപ്പെട്ടിരുന്നു. പ്രമേയം ഐക്യകണ്‌ഠേനയാണ് പാസാക്കിയത്.