കൊണ്ടോട്ടി: സ്‌കൂള്‍ തുടങ്ങുന്നതിനു മിനിറ്റുകള്‍ക്കു മുന്‍പു നിയന്ത്രണംവിട്ട ക്രെയിന്‍ മതില്‍ തകര്‍ത്തു സ്‌കൂള്‍ വളപ്പിലെത്തി. എടവണ്ണപ്പാറ-കൊണ്ടോട്ടി റോഡിലെ നീറാട് ഇറക്കത്തില്‍ നിയന്ത്രണംവിട്ട ക്രെയിനാണ് മതില്‍ തകര്‍ത്തു സ്‌കൂള്‍ വളപ്പിലത്തെിയത്. അപകടത്തില്‍ ക്രെയിന്‍ ഡ്രൈവര്‍ക്കു പരുക്കേറ്റു.
ശബ്ദംകേട്ട് ഓടുന്നതിനിടെ രണ്ടു കുട്ടികള്‍ക്കു നിസാര പരുക്കേറ്റു. ഇന്നലെ രാവിലെ 10.20നായിരുന്നു സംഭവം. കൊണ്ടോട്ടി ഭാഗത്തുനിന്നു വരികയായിരുന്ന ക്രെയിന്‍ നിയന്ത്രണംവിട്ട് നീറാട് എ.എം.എല്‍.പി സ്‌കൂളിന്റെ മതിലില്‍ ഇടിക്കുകയായിരുന്നു. മതിലിന്റെ ഒരു ഭാഗം പൂര്‍ണമായി തകര്‍ത്ത ക്രെയിന്‍ സ്‌കൂള്‍ വളപ്പിലത്തെിയാണ് നിന്നത്. ഇടിയുടെ ആഘാതത്തില്‍ രണ്ടു വൈദ്യുതി പോസ്റ്റുകളും തകര്‍ന്നു.
സാധരണ കുട്ടികള്‍ കൂടിനില്‍ക്കുന്ന ഭാഗത്തേക്കാണ് ക്രെയിന്‍ വന്നു നിന്നതെങ്കിലും ഇന്നലെ കുട്ടികള്‍ ഇവിടെയുണ്ടായിരുന്നില്ല. ഇതിനാല്‍ വന്‍ ദുരന്തമാണ് ഒഴിവായത്.










































 



















.