എടപ്പാള്‍: കാടഞ്ചേരി നൂറുല്‍ ഹുദാ ഇസ്‌ലാമിക് കോളജിന്റെ രണ്ടണ്ടാം വാര്‍ഷികാഘോഷം നാളെയും മറ്റന്നാളുമായി കാടഞ്ചേരി മര്‍ഹൂം കോയക്കുട്ടി  ഉസ്താദ് നഗറില്‍ വെച്ച് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
നാളെ വൈകിട്ട് നാല് മണിക്ക്  കുഞ്ഞിക്കോയ തങ്ങള്‍ കോട്ടകുന്ന് പതാക ഉയര്‍ത്തുന്നതോടെ വാര്‍ഷിക സമ്മേളനത്തിന് തുടക്കമാകും.സമസ്ത സെക്രട്ടറി കെ.ആലികുട്ടി മുസ്‌ലിയാര്‍ ഉദ്ഘാടനം ചെയ്യും.
നരിപ്പറമ്പ് ആറ്റക്കോയ തങ്ങള്‍ അധ്യക്ഷനാകും. സി.പി.ബാവാഹാജി,സി.ഹരിദാസ്.പി.ജ്യോതിഭാസ് പങ്കെടുക്കും. ഷമീര്‍ ദാരിമി കൊല്ലം പ്രഭാഷണം നടത്തും. വെള്ളിയാഴ്ച നടക്കുന്ന സമാപന സമ്മേളനം പ്രസിഡന്റ് കൂടിയായ പാണക്കാട് സയ്യിദ് സ്വാദിഖലി ശിഹാബ് തങ്ങള്‍ ഉദ്ഘാടനം ചെയ്യും. പാറപ്പുറം അബൂബക്കര്‍ ഹാജി അധ്യക്ഷനാകും. അഹമ്മദ് കബീര്‍ ബാഖവി കാഞ്ഞാര്‍ പ്രഭാഷണം നടത്തും.
വാര്‍ത്താസമ്മേളനത്തില്‍ ഖാസിം ഫൈസി പോത്തന്നൂര്‍,പാറപ്പുറം അബൂബക്കര്‍ ഹാജി,നൗഫല്‍.സി.തണ്ടണ്ടിലം,കുഞ്ഞാപ്പിനു,ശിഹാബ് തങ്ങള്‍ കടകശ്ശേരി പങ്കെടുത്തു.