കുന്ദമംഗലം: ഗവ. ആര്‍ട്‌സ് ആന്‍ഡ് സയന്‍സ് കോളജില്‍ ഇംഗ്ലീഷ്, ഇക്കണോമിക്‌സ്, കൊമേഴ്‌സ്, മലയാളം, ഹിന്ദി, ഉര്‍ദു ജേണലിസം എന്നീ വിഷയങ്ങളില്‍ ഗസ്റ്റ് ലക്ചറായി സേവനം ചെയ്യാനാഗ്രഹിക്കുന്നവരും കോഴിക്കോട് കോളജ്  വിദ്യാഭ്യാസ ഡെപ്യൂട്ടി ഡയരക്‌ടേററ്റില്‍ പേരു രജിസ്റ്റര്‍ ചെയ്തിട്ടുള്ളവരുമായ ഉദ്യോഗാര്‍ഥികളില്‍ നിന്ന് അപേക്ഷ ക്ഷണിച്ചു. ബന്ധപ്പെട്ട വിഷയങ്ങളില്‍ നെറ്റാണ് നിയമനത്തിനുള്ള യോഗ്യത.
നിശ്ചിത യോഗ്യതയുള്ളവരുടെ അഭാവത്തില്‍ 55 ശതമാനത്തില്‍ കുറയാത്ത മാര്‍ക്കോടെ ബിരുദാനന്തര ബിരുദമുള്ളവരെയും റിട്ടയര്‍ ചെയ്തവരെയും പരിഗണിക്കും.
താല്‍പ്പര്യമുള്ളവര്‍ വിദ്യാഭ്യാസ യോഗ്യത, പ്രവൃത്തി പരിചയം, വയസ് എന്നിവ തെളിയിക്കുന്നതിനുള്ള അസ്സല്‍ രേഖകളും അവയുടെ ശരിപ്പകര്‍പ്പുകളും സഹിതം തിങ്കളാഴ്ച രാവിലെ പത്തിന് ആര്‍.ഇ.സി ഹയര്‍ സെക്കന്‍ഡറി സ്‌കൂള്‍ ബില്‍ഡിങ്ങില്‍ പ്രവര്‍ത്തിക്കുന്ന കോളജ് ഓഫിസില്‍ സ്‌പെഷല്‍ ഓഫിസര്‍ മുന്‍പാകെ അഭിമുഖത്തിന് ഹാജരാകണം.