തേഞ്ഞിപ്പലം: ചേളാരി ഗവ. ജി.വി.എച്ച്.എസ് സ്‌കൂളിന്റെ ചുറ്റുമതില്‍ തകര്‍ന്നു വീണു.ദേശീയ പാതയോട് ചാരി നില്‍ക്കുന്ന ഭാഗത്താണ് മതില്‍ പൊളിഞ്ഞുവീണത്. നേരത്തേ വാഹനമിടിച്ച് ഇവിടെ മതില്‍ പൊളിഞ്ഞു വീണിരുന്നു. ഇവിടുത്തെ ചീനിമരം മതിലിന്റെ തകര്‍ച്ചയ്ക്ക് ഭീഷണിയാണ്. മരത്തിന്റെ വേരുകള്‍ മതിലിനടിയിലൂടെ കടന്നുപോകുന്നത് കാരണം പലയിടത്തും മതിലിന് വിള്ളലുണ്ടായിട്ടുണ്ട്.
മതിലിന്റെ സുരക്ഷയ്ക്ക് ഭീഷണിയായ മരങ്ങള്‍ മുറിച്ചു മാറ്റാന്‍ മരാമത്ത് വകുപ്പ്  അധികൃതരെ  സമീപിച്ചട്ടുണ്ടെന്നാണ് വിവരം.
മരം മുറിച്ചുമാറ്റുന്ന മുറയ്ക്ക് നിലവിലുള്ള മതില്‍ ഉയര്‍ത്തി മുകളില്‍ കമ്പിവേലി കെട്ടി ചുറ്റുമതില്‍ നവീകരക്കാനുള്ള നടപടികളുള്ളതായും വാര്‍ഡ് മെമ്പര്‍ എ.പി സലീം പറഞ്ഞു.