HOME
DETAILS

ടൂറിസത്തിന്റെ മറവില്‍ പുഴ കൈയേറ്റവും അനധികൃത നിര്‍മാണവുമെന്ന് ആക്ഷേപം

  
backup
May 27 2016 | 23:05 PM

%e0%b4%9f%e0%b5%82%e0%b4%b1%e0%b4%bf%e0%b4%b8%e0%b4%a4%e0%b5%8d%e0%b4%a4%e0%b4%bf%e0%b4%a8%e0%b5%8d%e0%b4%b1%e0%b5%86-%e0%b4%ae%e0%b4%b1%e0%b4%b5%e0%b4%bf%e0%b4%b2%e0%b5%8d%e2%80%8d-%e0%b4%aa%e0%b5%81

പഴയങ്ങാടി: വയലപ്ര പരപ്പ് ടൂറിസം പദ്ധതിയുടെ മറവില്‍ പുഴ കൈയേറ്റവും പുഴയില്‍ അനധികൃത നിര്‍മാണവും തകൃതിയായി നടക്കുന്നുവെന്ന് പരാതി. ചെറുതാഴം പഞ്ചായത്തിലെ വയലപ്ര പരപ്പ് പദ്ധതി പ്രദേശത്താണ് ടൂറിസം പദ്ധതി കരാറെടുത്തയാള്‍ അനധികൃത നിര്‍മാണവും പുഴ കൈയേറ്റവും നടത്തുന്നത്.
പുഴയില്‍ തെങ്ങിന്‍ കുറ്റികള്‍ അടിച്ചു താഴ്ത്തി ചെറുപാലവും കുടിലുകളും നിര്‍മിക്കുകയാണ് ചെയ്യുന്നത്. ജില്ലാ ടൂറിസം പ്രമോഷന്‍ കൗണ്‍സില്‍ നടപ്പിലാക്കിയ വയലപ്ര പരപ്പ് ടൂറിസം പദ്ധതി അഞ്ചു വര്‍ഷത്തേക്കാണ് കരാറുകാരനു നടത്തിപ്പിനു നല്‍കിയത്.
532 ഏക്കര്‍ പ്രദേശത്ത് നടപ്പാക്കിയ പദ്ധതിയില്‍ 160 ഏക്കര്‍ പരിസ്ഥിതി സൗഹൃദമാണ്. പരിസ്ഥിതി സൗഹൃദ പ്രദേശത്തെ കൂടി നശിപ്പിക്കുന്ന നിലയിലാണ് ഇപ്പോള്‍ നിര്‍മാണ പ്രവൃത്തി നടക്കുന്നത്.
വിശ്രമശാലയും ഹോട്ടലുമൊക്കെയായി പുഴയില്‍ നിര്‍മാണ പ്രവൃത്തി തകൃതിയായി നടക്കുകയാണ്. കരാറുകാരന്റ കാലാവധി കഴിഞ്ഞാല്‍ പുഴയിലെ ഈ നിര്‍മാണ പ്രവൃത്തികള്‍ എങ്ങനെ ഒഴിവാക്കുമെന്നാണ് നാട്ടുകാര്‍ ചോദിക്കുന്നത്.
മാലിന്യ സംസ്‌കരണത്തിനു പോലും വഴികള്‍ കാണാതെയാണു നിര്‍മാണ പ്രവൃത്തികള്‍ നടക്കുന്നത്. ഇതു കണ്ടലിനും മത്സ്യസമ്പത്തിനും ഭീഷണിയാകുമെന്നാണ് നാട്ടുകാര്‍ പറയുന്നത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."