കൊയിലാണ്ടി: കൊയിലാണ്ടിയില്‍ കുഴല്‍പ്പണ വേട്ട. രണ്ടുപേര്‍ പിടിയില്‍. ഏഴ് ലക്ഷത്തി എണ്‍പത്തിഎട്ടായിരം രൂപ പിടിച്ചെടുത്തു. കൊടുവള്ളി വാവാട് എരഞ്ഞോണ വീട്ടില്‍ സാനിബ് (24), പ്രായപൂര്‍ത്തിയാവാത്ത പ്ലസ്‌വണ്‍ വിദ്യാര്‍ഥി എന്നിവരാണ് കൊയിലാണ്ടി പൊലിസിന്റെ പിടിയിലായത്.
അരിക്കുളം പറമ്പത്ത് ഒരു കേസന്വേഷണത്തിനായി എത്തിയ പൊലിസ് സംഘം വാഹന പരിശോധനക്കിടയില്‍ നിര്‍ത്താതെ പോയ ബൈക്കിനെ പിന്‍തുടരുന്നതിനിടെയാണ് പ്രതികള്‍ പൊലിസ് പിടിയിലായത്.
പൊലിസ് പിന്‍തുടരുന്നതിനിടെ ബൈക്ക് ഉപേക്ഷിച്ച് ഓടി രക്ഷപ്പെടാന്‍ ശ്രമിച്ചെങ്കിലും ശ്രമം വിജയിച്ചില്ല.
എസ്.ഐ കെ.സുമിത്ത്കുമാര്‍, അഡീ എസ്.ഐ പി.പി രാജന്‍, സി.പി.ഒമാരായ എന്‍.ചന്ദ്രന്‍, കെ.സി ഷിജിത്ത്, വി.എം അശോകന്‍ എന്നിവരടങ്ങിയ സംഘമാണ് പ്രതികളെ പിടികൂടിയത്. പരിശോധനയില്‍ ഇവരുടെ കൈയില്‍ നിന്നും 8,000 രൂപയും ഏഴ് മൊബൈല്‍ ഫോണുകളും പിടിച്ചെടുത്തു.