കൊളംബോ: ഏഴ് മാസത്തെ ഇടവേളക്ക് ശേഷം എയ്ഞ്ചലോ മാത്യൂസ് വീണ്ടും ശ്രീലങ്കന്‍ നായക പദവിയിലേക്ക്. ടീമിന്റെ മോശം പ്രകടനത്തെ തുടര്‍ന്നാണ് ഏഴുമാസം മുമ്പ് മാത്യൂസ് രാജിവച്ചത്. തുടര്‍ന്ന് പലരെയും നായകസ്ഥാനത്ത് നിര്‍ത്തിയെങ്കിലും ടീമിന് പരാജയത്തില്‍ നിന്ന് കരകയറാനായില്ല. ഉപുല്‍ തരംഗയെ ക്യാപ്റ്റന്‍ സ്ഥാനത്തേക്ക് പരിഗണിച്ചിരുന്നെങ്കിലും കുറഞ്ഞ ഓവറിനു ശിക്ഷിക്കപ്പെട്ടതോടെ തിസാരെയെ ക്യാപ്റ്റന്‍ സ്ഥാനം ഏല്‍പിക്കുകയായിരുന്നു.
എന്നാല്‍ തിസാരെക്ക് മെച്ചപ്പെട്ട പ്രകടനം പുറത്തെടുക്കാന്‍ കഴിയാതെ വന്നതോടെയാണ് മാത്യൂസിന് നറുക്ക് വീണത്. പുതിയ പരിശീലകന്‍ നിക് പോത്താസിനൊപ്പം മാത്യൂസ് കൂടെ ചേര്‍ന്ന് ടീമിനെ വിജയത്തിലെത്തിക്കാനാണ് പുതിയ നീക്കം. ടി 20 ക്കും ഏകദിനത്തിനുമായിരിക്കും എയ്ഞ്ചലോ ക്യാപ്റ്റന്‍ സ്ഥാനം വഹിക്കുക. ടെസ്റ്റില്‍ ദിനേശ് ചന്ദിമലായിരിക്കും ശ്രീലങ്കയെ നയിക്കുക.