ഇംഫാല്‍: ഇറോം ശര്‍മിളയുടെ നേതൃത്വത്തില്‍ പ്രജാപാര്‍ട്ടി തെരഞ്ഞെടുപ്പ് പ്രചാരണം സജീമാക്കി. കുടുംബ യോഗങ്ങള്‍ വിളിച്ചു ചേര്‍ത്താണ് പ്രചാരണം ശക്തമാക്കിയത്. മുഖ്യമന്ത്രി ഇബോബി സിങ് മത്സരിക്കുന്ന തൗബാല്‍ മണ്ഡലത്തില്‍ ശര്‍മിളയാണ് മത്സരിക്കുന്നത്.
മുഖ്യമന്ത്രി സ്ഥാനാര്‍ഥിയെന്ന നിലയിലാണ് അവരും ഇവിടെ മത്സരിക്കുന്നത്. മാറ്റത്തിന് ഒരു പത്തുരൂപാനോട്ട് എന്ന മുദ്രാവാക്യവുമായി പത്തുരൂപ സംഭാവന വാങ്ങിയാണ് ശര്‍മിളയുടെ പ്രജാ പാര്‍ട്ടി പ്രചാരണം നടത്തുന്നത്. മുസ്‌ലിം ഭൂരിപക്ഷ നിയമസഭാ മണ്ഡലമായ തൗബാലില്‍ മികച്ച സ്വീകാര്യതയാണ് ശര്‍മിളക്ക് ലഭിക്കുന്നത്.