ചങ്ങരംകുളം: സംസ്ഥാനപതയില്‍ പന്താവൂരിലും ചങ്ങരംകുളത്തും സ്വകാര്യ ടെലിഫോണ്‍ കമ്പിനികള്‍ കാന കീറുന്നതിനിടയില്‍ പറിച്ചെടുത്ത സുരക്ഷ തൂണുകള്‍ പുനസ്ഥാപിച്ചില്ല. ഇത് കാല്‍നടയാത്രക്കാര്‍ക്കും വാഹനയാത്രക്കാര്‍ക്കും ദുരിതം വിതക്കുകയാണ്.
സംസ്ഥാന പാതയില്‍ ചങ്ങരംകുളത്തും പന്താവൂരിലുമാണ് പത്തോളം തൂണുകള്‍ പറിച്ചെടുത്ത് ഫുട്പാത്തില്‍ തളളിയിരിക്കുന്നത്. പലയിടത്തും കീറിയ കാന സുരക്ഷിതമായി അടച്ചിട്ടുമില്ല. ഏറ്റവും അപകടം നിറഞ്ഞ മേഖല ആയതു കൊണ്ട് തന്നെ പൊലിസ് ഇവിടെ സ്പീഡ് ബ്രേക്കറും സ്ഥാപിച്ചിട്ടുണ്ട്. അപകട മേഖലയായ ഇവിടെ പറിച്ചടുത്ത സുരക്ഷ തൂണുകള്‍ പുനസ്ഥാപിക്കുകയോ, റോഡരികില്‍ തളളിയവ നീക്കം ചെയ്യുകയോ, ഇതിനോടകം രൂപപ്പെട്ട ഗര്‍ത്തങ്ങള്‍ കൃത്യമായി അടയ്ക്കുകയോ ചെയ്യണമെന്നാണ് നാട്ടുകാരുടെ ആവശ്യം.