എടവണ്ണ: കെ.എന്‍ ജി റോഡില്‍ മമ്പാട് ടൗണിനു സമീപമുള്ള പരതമ്മല്‍ യു.പി സ്‌കൂളിന് മുന്നിലുള്ള സ്ഥലത്ത് പഴകി പുഴവരിച്ചതും ദുര്‍ഗന്ധമുള്ളതുമായ കോഴി വേസ്റ്റ് തള്ളി. ശനിയാഴ്ച രാത്രി പത്തോടെയാണ് അജ്ഞാത വാഹനത്തിലെത്തി മാലിന്യം തള്ളിയതെന്നു സമീപവാസികള്‍ പറയുന്നു.
നാട്ടുകാരുടെ പരാതിയുടെ അടിസ്ഥാനത്തില്‍ പഞ്ചായത്ത് പ്രതിനിധികളും നിലമ്പൂര്‍ പൊലിസും സ്ഥലത്തെത്തുകയും വേസ്റ്റ് പുത്തലത്ത് ശറഫുന്നിസയുടെ പമ്പില്‍ മണ്ണ് മാന്തിയന്ത്രം ഉപയോഗിച്ച് പഞ്ചായത്ത് സംസ്‌കരിക്കുകയും ചെയ്തു. നിലമ്പൂര്‍ പൊലിസ് കേസെടുത്ത് അന്വേഷണം ആരംഭിച്ചു.