ലണ്ടന്‍: ബ്രിട്ടീഷ് പാര്‍ലമെന്റിനെ യു.എസ് പ്രസിഡന്റ് ഡൊണാള്‍ഡ് ട്രംപ് അഭിസംബോധന ചെയ്യുന്നതില്‍ എതിര്‍പ്പുമായി സ്പീക്കര്‍ ജോണ്‍ ബെര്‍ക്കോ. ട്രംപിന്റെ വര്‍ഗീയതയ്ക്കും ലിംഗവിവേചനത്തിനെതിരായുമുള്ള നിലപാടുകളാണ് എതിര്‍പ്പിന് കാരണം. എന്നാല്‍, യു.എസുമായുള്ള രാജ്യത്തിന്റെ ബന്ധത്തെ മാനിക്കുന്നതായും നയതന്ത്രത്തിന് എതിരല്ലെന്നു അധോസഭാ സ്പീക്കര്‍ ആയ ജോണ്‍ ബെര്‍ക്കോ വ്യക്തമാക്കി.

ട്രംപിനുള്ള ക്ഷണം പിന്‍വലിക്കണമെന്നാവശ്യപ്പെട്ട് 18 ലക്ഷം പേര്‍ ഒപ്പിട്ട ഭീമന്‍ ഹരജി ഫെബ്രുവരി 20ന് പാര്‍ലമെന്റ് ചര്‍ച്ച ചെയ്യാനിരിക്കുകയാണ്. പാര്‍ലമെന്റില്‍ ആരെല്ലാം സംസാരിക്കണമെന്ന് തീരുമാനിക്കുന്ന മൂന്നു പേരില്‍ മൂന്നംഗങ്ങളില്‍ ഒരാളാണ് സ്പീക്കര്‍.

കുടിയേറ്റ നിയമങ്ങള്‍ പരിഷ്‌കരിക്കുന്നതിനു മുമ്പേ ട്രംപിന്റെ നയങ്ങളെ താന്‍ എതിര്‍ത്തിരുന്നു. നിലവിലെ സാഹചര്യത്തില്‍ ട്രംപിനെതിരായ പ്രതിഷേധം വര്‍ധിക്കുകയാണെന്നും സ്പീക്കര്‍ പറഞ്ഞു. ബ്രിട്ടണ്‍ പ്രധാനമന്ത്രി തെരേസ മെയ് കഴിഞ്ഞ മാസമാണ് ട്രംപിനെ സന്ദര്‍ശനത്തിനായി ക്ഷണിച്ചത്. ട്രംപിന്റെ നയങ്ങളെ ഭാഗികമായി അനുകൂലിക്കുന്ന വ്യക്തിയാണ് തെരേസ മെയ്.