തിരുവനന്തപുരം: വിജിലന്‍സ് ഡയറക്ടര്‍ ജേക്കബ്ബ് തോമസിനെതിരെ അന്വേഷണം ആവശ്യപ്പെട്ടുളള ഹരജികളില്‍ മൂവാറ്റുപുഴ വിജിലന്‍സ് കോടതി ഇന്ന് വിധി പറയും. തുറമുഖ ഡയറക്ടറായിരിക്കെ സോളാര്‍ പാനല്‍ സ്ഥാപിച്ചതിലൂടെ സര്‍ക്കാരിന് കോടികളുടെ നഷ്ടമുണ്ടാക്കി, വരവില്‍ കവിഞ്ഞ സ്വത്തു സമ്പാദിച്ചു, കര്‍ണ്ണാടകത്തില്‍ വനഭൂമി കൈയ്യേറി തുടങ്ങിയ പരാതികളിലാണ് കോടതി ഇന്ന് ഉത്തരവിടുക. പൊതുപ്രവര്‍ത്തകരുടെ ഹരജികള്‍ക്കു പുറമേ തുറമുഖങ്ങളുടെ ആഴംകൂട്ടാന്‍ വിദേശ കമ്പനിയില്‍ നിന്നു ഡ്രഡ്ജര്‍ വാങ്ങിയതില്‍ ജേക്കബ്ബ് തോമസ് രണ്ടര കോടിയിലധികം രൂപയുടെ അഴിമതി നടത്തിയെന്ന അഡീഷണല്‍ ചീഫ് സെക്രട്ടറിയുടെ റിപ്പോര്‍ട്ടും കോടതിയുടെ പരിഗണനയിലുണ്ട്.