ലണ്ടന്‍: ഇംഗ്ലീഷ് പ്രീമിയര്‍ ലീഗ് പോരാട്ടത്തില്‍ വമ്പന്‍മാരായ ആഴ്‌സണലിന് തോല്‍വി. ബേണ്‍മൗത്ത് സ്വന്തം തട്ടകത്തില്‍ ഗണ്ണേഴ്‌സിനെ 2-1ന് അട്ടിമറിച്ചു. മറ്റൊരു മത്സരത്തില്‍ കരുത്തരായ ടോട്ടനം ഹോട്‌സ്പറിന് തകര്‍പ്പന്‍ ജയം. മറുപടിയില്ലാത്ത നാല് ഗോളുകള്‍ക്ക് സ്വന്തം തട്ടകത്തില്‍ അവര്‍ എവര്‍ട്ടനെ വീഴ്ത്തി. ഇരട്ട ഗോളുകളുമായി ഹാരി കെയ്ന്‍ റെക്കോര്‍ഡ് നേട്ടം സ്വന്തമാക്കിയ പോരാട്ടത്തിലാണ് ടോട്ടനത്തിന്റെ വിജയം. ടോട്ടനത്തിനായി ഇംഗ്ലീഷ് പ്രീമിയര്‍ ലീഗില്‍ ഏറ്റവും കൂടുതല്‍ ഗോളുകള്‍ നേടുന്ന താരമായി കെയ്ന്‍ മാറി. 98 ഗോളുകളാണ് കെയ്ന്‍ നേടിയത്. 97 ഗോളുകളുമായി ഒന്നാം സ്ഥാനത്ത് നിന്നിരുന്ന ടെഡ്ഡി ഷെറിങ്ഹാമിന്റെ റെക്കോര്‍ഡാണ് കെയ്ന്‍ മറികടന്നത്.