ദോഹ: എസ്.കെ.എസ്.എസ്.എഫ് ഖത്തര്‍ മലപ്പുറം ജില്ലാ കമ്മറ്റിയുടെ ആഭിമുഖ്യത്തില്‍ സംഘടിപ്പിച്ച സര്‍ഗലയം ഇസ്‌ലാമിക് കലാ മത്സരങ്ങള്‍ ശ്രദ്ധേയമായി. ജൂനിയര്‍,സീനിയര്‍, ജനറല്‍ വിഭാഗങ്ങളിലായി അന്‍പത് ഇനങ്ങളില്‍നടന്ന മത്സരത്തില്‍ മുഹമ്മദ് സിനാന്‍ (ജൂനിയര്‍ ) മുഹമ്മദ് ശാരിഖ്(സീനിയര്‍) മുഹമ്മദ്‌റാഷിദ് റഹ്മാനി ( ജനറല്‍) എന്നിവര്‍ കലാപ്രതിഭകള്‍ ആയി തിരഞ്ഞെടുക്കപ്പെട്ടു.

രാവിലെ 7 മണി മുതല്‍ ആരംഭിച്ച സര്‍ഗലയം എസ്.കെ.എസ്.എസ്.എഫ് ഇസ്തിഖാമ ചെയര്‍മാന്‍ അബ്ദുല്‍ മാലിക് ഹുദവി ഉദ്ഘാടനം നിര്‍വ്വഹിച്ചു.വൈകുന്നേരം നടന്ന സമാപന അനുസ്മരണ സംഗമം കേരള ഇസ്‌ലാമിക് സെന്റര്‍ ജനറല്‍ സെക്രട്ടറി ഇസ്മാഈല്‍ ഹുദവി ഉദ്ഘാടനം ചെയ്തു.

അബൂബക്കര്‍ ഫൈസി മലയമ്മ, കോട്ടുമല ബാപ്പു മുസ്ലിയാര്‍, കുമരംപത്തൂര്‍ ഏ.പി മുഹമ്മദ് മുസ്ലിയാര്‍ എന്നിവരെ അനുസ്മരിച്ചുള്ള പ്രഭാഷണവും ഇ.അഹമ്മദ് അനുസ്മരണ പ്രഭാഷണം കെ.എം.സി.സി പ്രസിഡന്റ് എസ്. എ എം ബഷീറും നടത്തി. അബൂബക്കര്‍ ഹുദവി, ഹുസ്സൈന്‍ റഹ്മാനി,സയ്യിദ് അന്‍വര്‍ തങ്ങള്‍, മന്‍സൂര്‍ കോഡൂര്‍, റഫീഖ് ഹുദവി ,മുഹമ്മദുണ്ണി, പ്രസംഗിച്ചു, ഫദ് ലുസാദത്ത് നിസാമി സ്വാഗതവും ആസിഫ് മാരാമുറ്റം നന്ദിയും പറഞ്ഞു