കൊടുവള്ളി: കിഴക്കോത്ത് കച്ചേരിമുക്ക് ദവ ചാരിറ്റബിള്‍ സൊസൈറ്റി സംഘടിപ്പിക്കുന്ന മതപ്രഭാഷണ പരമ്പരക്ക് ആനക്കര കോയക്കുട്ടി മുസ്‌ലിയാര്‍ നഗറില്‍ നാളെ തുടക്കമാകുമെന്ന് സ്വാഗതസംഘം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. നാളെ മുതല്‍ 14 വരെ വൈകിട്ട് 7.30 മുതലാണ് പ്രഭാഷണം നടക്കുക. പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. സ്വാഗതസംഘം ജനറല്‍ കണ്‍വീനര്‍ വി.കെ അബ്ദുറഹ്മാന്‍ അധ്യക്ഷനാകും. ദവ വെബ്‌സൈറ്റ് ഉദ്ഘാടനം മുസ്തഫ മുണ്ടണ്ടുപാറ നിര്‍വഹിക്കും. തുടര്‍ന്ന് മഅ്മൂന്‍ ഹുദവി പ്രഭാഷണം നടത്തും. അബ്ദുല്‍ മജീദ് ദാരിമി ചളിക്കോട്, അബ്ദുറസാഖ് മുസ്‌ലിയാര്‍, ഫസല്‍ മാസ്റ്റര്‍ ആവിലോറ, അഷ്‌റഫ് ബാഖവി എളേറ്റില്‍ സംസാരിക്കും.
12ന് മുസ്തഫ ഹുദവി ആക്കോട് പ്രഭാഷണം നടത്തും. സി.എസ്.കെ തങ്ങള്‍ പാലക്കുറ്റി ഉദ്ഘാടനം ചെയ്യും. കെ. ഇസ്മാഈല്‍ അധ്യക്ഷനാകും. ബഷീര്‍ റഹ്മാനി സംസാരിക്കും. 13ന് ഖലീല്‍ റഹ്മാന്‍ ഹുദവി പ്രഭാഷണം നടത്തും. ഇബ്‌റാഹിം മുസ്‌ലിയാര്‍ എളേറ്റില്‍ ഉദ്ഘാടനം ചെയ്യും. എം.എം ആലിക്കുട്ടി അധ്യക്ഷനാകും.
14ന് പ്രഭാഷണ വേദികളിലെ ബാലസാന്നിധ്യം സാലിഹ് ബത്തേരി സംസാരിക്കും. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് മുബശിര്‍ തങ്ങള്‍ ജമലുല്ലൈലി ഉദ്ഘാടനം ചെയ്യും. എ.പി.എം ബാവ ജീറാനി കോട്ടുമല ബാപ്പു മുസ്‌ലിയാര്‍ അനുസ്മരണ പ്രഭാഷണം നടത്തും.
പ്രാര്‍ഥാനാ സമ്മേളനത്തിന് ഉമര്‍ മുസ്‌ലിയാര്‍ കിഴിശ്ശേരി നേതൃത്വം നല്‍കും. പ്രഭാഷണം ശ്രവിക്കുന്നതിനായി 3000പേര്‍ക്ക് ഇരിക്കാനുള്ള സൗകര്യവും സ്ത്രീകള്‍ക്ക് പ്രത്യേക സജ്ജീകരണവും ഒരുക്കുമെന്ന് ഭാരവാഹികള്‍ അറിയിച്ചു.
വാര്‍ത്താസമ്മേളനത്തില്‍ സ്വാഗതസംഘം ഭാരവാഹികളായ വി.കെ അബ്ദുറഹ്മാന്‍, എം.എം അബ്ദുല്ല, സി.കെ അബ്ദുറഹ്മാന്‍, സിദ്ദീഖ് മലബാരി, കൂട്ടാക്കില്‍ ആലി, വി.കെ സുലൈമാന്‍, പി.ടി മൊയ്തീന്‍ കുട്ടി പങ്കെടുത്തു.