പൂനൂര്‍: തലയാട് കല്ലുള്ളതോട് കെട്ടിന്റെവളപ്പില്‍ കൃഷ്ണന്റെ വീട്ടുപറമ്പിലെ കൊപ്രച്ചേവ് കത്തിനശിച്ചു. ഉണക്കാനിട്ട മൂവ്വായിരത്തോളം തേങ്ങ, പത്തു ക്വിന്റലോളം കൊപ്ര, മൂന്നു ക്വിന്റലോളം അടയ്ക്ക എന്നിവ അഗ്നിക്കിരയായി. മൂന്നുലക്ഷം രൂപയുടെ നാശനഷ്ടം കണക്കാക്കുന്നു. നരിക്കുനിയില്‍ നിന്നെത്തിയ അഗ്നിരക്ഷാ സേന തീയണച്ചതിനാല്‍ വന്‍ അപകടം ഒഴിവായി. റവന്യു അധികൃതര്‍ സംഭവസ്ഥലം സന്ദര്‍ശിച്ചു.