ഭുവനേശ്വര്‍: ഒഡീഷയില്‍ രണ്ടിടങ്ങളിലുണ്ടായ വാഹനാപകടങ്ങളില്‍ ആറു പേര്‍ മരിച്ചു. പുരി ജില്ലയിലും കലിംഗ സ്റ്റേഡിയത്തിനു സമീപവുമാണ് അപടകമുണ്ടായത്. അപകടങ്ങളില്‍ നാലു പേര്‍ക്കും പരുക്കേറ്റിട്ടുണ്ട്.

പുരി ജില്ലയിലുണ്ടായ അപകടത്തില്‍ അഞ്ചു പേര്‍ മരിക്കുകയും മൂന്ന് പേര്‍ക്ക് പരുക്കേല്‍ക്കുകയും ചെയ്തു. ട്രക്കും ഓട്ടോറിക്ഷയും കൂട്ടിയിട്ടാണ് പുരിയില്‍ അപകടമുണ്ടായത്. ശവസംസ്‌കാര ചടങ്ങ് മടങ്ങും വഴിയാണ് അപകടമുണ്ടായത്. സംഭവത്തില്‍ പരുക്കേറ്റവരുടെ നില ഗുരുതരമാണ്.

സ്റ്റേഡിയത്തിനു സമീപമുണ്ടായ അപകടത്തില്‍ ഒരാള്‍ മരിച്ചു. സ്റ്റേഡിയത്തിനു സമീപം വാഹനം കാത്ത് നില്‍ക്കുകയായിരുന്ന ദമ്പതികളെ അജ്ഞാത വാഹനം വന്നിടിക്കുകയായിരുന്നു. അപകടത്തില്‍ ഭര്‍ത്താവ് മരിച്ചു. പരുക്കേറ്റ ഭാര്യയെ സമീപത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്.