പടിഞ്ഞാറത്തറ: 17, 18, 19 തിയതികളില്‍ മീനങ്ങാടി ഹുദൈബിയയില്‍ നടക്കുന്ന എസ്.കെ.എസ്.എസ്.എഫ് വയനാട് ജില്ലാ സമ്മേളനത്തിന്റെ പ്രചാരണാര്‍ഥം 11 മുതല്‍ 15 വരെ നടക്കുന്ന സന്ദേശ യാത്രക്ക് പ്രൗഢോജ്വല തുടക്കം. വാരാമ്പറ്റ അലി അക്ബര്‍ ദില്ലി കോയ തങ്ങളുടെ മഖ്ബറ സിയാറത്തിന് ശേഷമാണ് യാത്ര ആരംഭിച്ചത്. സിയാറത്തിന് കെ.ടി ഹംസ മുസ്്‌ലിയാര്‍ നേതൃത്വം നല്‍കി.
തുടര്‍ന്ന് നടന്ന സംഗമത്തില്‍ പി.എ ആലിഹാജി അധ്യക്ഷനായി. സന്ദേശ യാത്രയുടെ നായകന്‍ ശൗഖത്തലി വെള്ളമുണ്ടക്ക് പതാക കൈമാറി സമസ്ത ജില്ലാ അധ്യക്ഷന്‍ കെ.ടി ഹംസ മുസ്്‌ലിയാര്‍ ഉദ്ഘാടനം ചെയ്തു.
എസ്.കെ.എസ്.എസ്.എഫ് മീനങ്ങാടിയില്‍ നടത്തുന്ന ജില്ലാ സമ്മേളനത്തിന്റെ വിജയത്തിന് മുഴുവനാളുകളും രംഗത്തിറങ്ങണമെന്ന് അദ്ദേഹം ആവശ്യപ്പെട്ടു.  
സ്വാഗത സംഘം ചെയര്‍മാന്‍ ഇബ്രാഹീം ഫൈസി പേരാല്‍ പ്രമേയ പ്രഭാഷണം നടത്തി. ടി.കെ അബൂബക്കര്‍ മൗലവി, ബഷീര്‍ ഫൈസി സംസാരിച്ചു. അബൂബക്കര്‍ റഹ്മാനി, അയ്യൂബ് മുട്ടില്‍, മായിന്‍ ഹാജി, എം.വി സാജിദ് മൗലവി, അലി യമാനി, ജംഷീര്‍ ബാഖവി, നിസാമുദ്ധീന്‍ നിസാമി മുഹ് യുദ്ധീന്‍ യമാനി, സലാം ഫൈസി സുഹൈല്‍ വാഫി, ആസിഫ് വാഫി, ജാഫര്‍ വാഫി, വാസിഅ യമാനി സമദ് വടക്കന്‍, ശാഹിദ് ഫൈസി എന്നിവര്‍ പങ്കെടുത്തു. അബ്ദുല്‍ ലത്തീഫ് വാഫി സ്വാഗതവും ജുബൈര്‍ ദാരിമി നന്ദിയും പറഞ്ഞു. സന്ദേശ യാത്ര ഇന്ന് രാവിലെ 9.30ന് കുഞ്ഞോത്ത് ഇബ്രാഹീം ഫൈസി വാളാട് ഉദ്ഘാടനം ചെയ്യും. ഹാരിസ് ബാഖവി മുഖ്യപ്രഭാഷണം നടത്തും. 10.15ന് കോറോം, 11ന് തേറ്റമല, 11:30ന് വെള്ളമുണ്ട 12.30 ന് പന്തിപ്പൊയില്‍, 2.30ന് പടിഞ്ഞാറത്തറ, 3.30ന് കാവുമന്ദം, 4.30ന് മില്ലുമുക്ക് എന്നിവിടങ്ങളില്‍ പര്യടനം നടത്തി ആറ് മണിക്ക് തരുവണയില്‍ സമാപിക്കും.
സയ്യിദ് ശിഹാബുദ്ധീന്‍ ഇമ്പിച്ചി കോയ തങ്ങള്‍ സമാപന സമ്മേളനം ഉദ്ഘാടനം ചെയ്യും. ഇബ്രാഹിം ഫൈസി പേരാല്‍ മുഖ്യപ്രഭാഷണം നടത്തും.