നാദാപുരം: തന്റെ സ്‌കൂട്ടറിന്റെ ഡിക്കിയില്‍ പാമ്പുള്ളതറിയാതെ യുവാവ്  ഓടിച്ചത് അഞ്ചു കിലോമീറ്ററോളം ദൂരം. നാദാപുരം പൊലിസ് സ്റ്റേഷന് സമീപത്തെ കടയില്‍ സാധനം വാങ്ങാന്‍ എത്തിയതായിരുന്നു യുവാവ്.  അവിചാരിതമായി സ്‌കൂട്ടറിന്റെ  ഡിക്കിയില്‍ കൈയിട്ടപ്പോഴാണ് അസാധാരണമായെന്തോ തടഞ്ഞത്. അവിശ്വസനീയതയോടെ നോക്കിയപ്പോള്‍ യുവാവ് ഞെട്ടി ചുരുണ്ട@ു കൂടി കിടക്കുന്നു വെള്ളിക്കെട്ടന്‍ വര്‍ഗത്തില്‍ പെട്ട ഉഗ്ര വിഷമുള്ള പാമ്പ്. രാത്രി വീട്ടു മുറ്റത്ത് പാര്‍ക്ക് ചെയ്തപ്പോഴാവാം പാമ്പ് സ്‌കൂട്ടര്‍ ഡിക്കിയില്‍ കയറിക്കൂടിയത്. പാമ്പുമായി ദൂരമത്രയും താണ്ടിയത് ഓര്‍ക്കുമ്പോഴെല്ലാം തുടരെ ഞെട്ടിത്തരിക്കുകയാണ് പേര് വെളിപ്പെടുത്താന്‍ ആഗ്രഹിക്കാത്ത യുവാവ്. നാട്ടുകാര്‍ ചേര്‍ന്ന് പിന്നീട് പാമ്പിനെ തല്ലിക്കൊന്നു.