കൊല്ലം: ആയൂര്‍ റോഡുവിള നിസാര്‍ റഹിം ആന്റ് മാര്‍ക്ക് സ്‌കൂള്‍ ഓഫ് ആര്‍ക്കിടെക്ചറിലെ വിദ്യാര്‍ഥികള്‍ ഒരുക്കുന്ന കരകൗശല വസ്തുക്കളുടെ പ്രദര്‍ശനം 13, 14 തീയതികളില്‍ ചിന്നക്കട ബിഷപ് ജെറോം നഗറില്‍ നടക്കും.13ന് രാവിലെ പത്തിന് കോളജ് ചെയര്‍മാന്‍ ഡോ.അബ്ദുള്ള അലിം നിസാറിന്റെ അധ്യക്ഷതയില്‍ ചേരുന്ന യോഗത്തില്‍ മേയര്‍ വി.രാജേന്ദ്രബാബു പ്രദര്‍ശനം ഉദ്ഘാടനം ചെയ്യും.വിദ്യാര്‍ഥികള്‍ നിര്‍മിച്ച പുത്തന്‍ കരകൗശല വസ്തുക്കളുടെ പ്രദര്‍ശനവും വില്‍പ്പനയുമാണ് ഇതിലൂടെ ലക്ഷ്യമിടുന്നതെന്ന് പ്രിന്‍സിപ്പാള്‍  പ്രഫ.ആന്റണി ബെന്‍, വിദ്യാര്‍ഥികളായ എ.ആര്‍.പ്രിന്‍സ്, സിജിന്‍, നിശാല്‍, ഷെമീര്‍ എന്നിവര്‍ പറഞ്ഞു. ചിരട്ടയിലും മുളയിലും നിര്‍മിച്ച ആകര്‍ഷണീയമായ ഉല്‍പ്പന്നങ്ങളും പ്രദര്‍ശനത്തിനും വില്‍പ്പനയ്ക്കും ഉണ്ടാകും. നിരവധി ഗിഫ്റ്റ് ഇനങ്ങളും പ്രദര്‍ശനത്തിനുണ്ട്. ലൈവ് പോര്‍ട്രയിറ്റ്‌സും പ്രദര്‍ശനത്തിന്റെ പ്രത്യേകതയാണ്.