കൊല്ലം: ശങ്കേഴ്‌സ് ആശുപത്രിക്ക് സമീപത്തെ ക്രോസ്  ജങ്ഷനിലെ സെന്റ്‌തോമസ് ഓര്‍ത്തഡോക്‌സ് കത്തീഡ്രലിന്റെ ആഭിമുഖ്യത്തിലുള്ള ചാരിറ്റി സെയില്‍-2017 നാളെ ഉച്ചകഴിഞ്ഞ് മൂന്നിന് പള്ളി അങ്കണത്തില്‍ നടക്കും.നടന്‍ ശ്രീനിവാസന്‍ ആദ്യവില്‍പ്പന ഉദ്ഘാടനം ചെയ്യും. വര്‍ക്കി ജേക്കബ് സ്വീകരിക്കും. രോഗികള്‍ക്കുള്ള സഹായങ്ങള്‍ മേയര്‍ വി.രാജേന്ദ്രബാബു വിതരണം ചെയ്യും. ഈവര്‍ഷത്തെ ചാരിറ്റി സെയില്‍ കിഡ്‌നി, കാന്‍സര്‍ രോഗികളുടെ സഹായത്തിനാണ് വിനിയോഗിക്കുന്നത്. സെയിലിനോട് അനുബന്ധിച്ച് ഐ.എം.എയുമായി സഹകരിച്ച് ഇന്ന് രാവിലെ ഒമ്പതുമുതല്‍ രക്തദാന ക്യാംപ് സംഘടിപ്പിക്കും.  സെന്റ് മേരീസ് സ്‌കൂളിലെ വിദ്യാര്‍ഥികളുടെ കലാപരിപാടികളും മാജിക് ഷോയും മറ്റ് വിനോദ പരിപാടികളും ഇതിന്റെ ഭാഗമായി ഉണ്ടാകുമെന്ന് ഇടവക വികാരി ഫാ.ടി.തോമസ്‌കുട്ടി നല്ലില, ജനറല്‍ കണ്‍വീനര്‍ ബാബു സഖറിയ, ടി.വി.ജോസഫ്, ഡി.പൊന്നച്ചന്‍, ജോര്‍ജ് മാത്യു എന്നിവര്‍ വാര്‍ത്താസമ്മേളനത്തില്‍ അറിയിച്ചു.